fbpx
Föstudagur 04.apríl 2025
Pressan

Charlie Hebdo veður í Erdogan – Skopmynd af forsetanum á forsíðu

Kristján Kristjánsson
Fimmtudaginn 29. október 2020 07:00

Þetta er forsíðan sem Tyrkir eru ósáttir við.

Ekki missa af Helstu tíðindum dagsins í pósthólfið þitt

Lesa nánar

Tyrkir eru ævareiðir vegna forsíðu nýjasta tölublaðs franska ádeiluritsins Charlie Hebdo en skopmynd af Recep Tayyip Erdogan, forseta Tyrklands, prýðir forsíðuna. Á myndinni er hann að drekka bjór og lyftir upp kjól múslímskrar konu svo það sést í afturenda hennar. Fyrirsögnin á forsíðunni er: „Erdogan: Í einkalífinu er hann mjög skemmtilegur“. Ljóst er að myndin mun ekki verða til að draga úr ágreiningi Tyrkja og Frakka.

Erdogan hefur verið harðorður í garð Frakka að undanförnu og hefur meðal annars sagt að Emmanuel Macron, Frakklandsforseti, eigi að fara í geðrannsókn vegna meðferðar hans á múslimum í Frakklandi. Hann hefur einnig hvatt Tyrki til að sniðganga franskar vörur. Erdogan segir Macron vera mjög fjandsamlegan í garð múslima.

Talsmaður Erdogan segir að Charlie Hebdo standi fyrir „menningarlegum rasisma“ með myndbirtingunni.

„Við fordæmum þessa viðbjóðslegu tilraun blaðsins til að breiða út menningarlegan rasisma og hatur. Andmúslímsk stefna Macron forseta ber árangur!“

skrifaði talsmaðurinn, Fahrettin Altun, á Twitter.

Deilurnar hófust í kjölfar hins hrottalega morðs á kennaranum Samuel Paty í París. Hann var myrtur vegna þess að hann sýndi nemendum sínum skopmyndir af spámanninum Múhameð í kennslu um tjáningarfrelsið. Í kjölfarið hafa frönsk stjórnvöld sett ný lög til að berjast gegn „aðskilnaðarstefnu íslamista“. Macron hefur einnig heitið því að verja tjáningarfrelsið sem heimilar einmitt blöðum eins og Chalie Hebdo að birta teikningar af spámanninum Múhameð og nú Erdogan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Í gær

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 4 dögum

Ný gögn frá NASA benda til að við eigum heima í svartholi

Ný gögn frá NASA benda til að við eigum heima í svartholi