fbpx
Fimmtudagur 03.apríl 2025
Pressan

Hæstiréttur tekur Glitnismál fyrir á nýjan leik – Hagsmunir hæstaréttardómara valda vafa um óhlutdrægni dómstólsins

Kristján Kristjánsson
Þriðjudaginn 27. október 2020 08:00

Hús Hæstaréttar.

Ekki missa af Helstu tíðindum dagsins í pósthólfið þitt

Lesa nánar

Endurupptökunefnd hefur fallist á að mál Magnúsar A. Arngrímssonar, fyrrverandi starfsmanns Glitnis, verði tekið upp á nýjan leik. Hæstiréttur dæmdi Magnús í tveggja ára fangelsi árið 2015 fyrir umboðssvik.

Fréttablaðið skýrir frá þessu í dag. Fram kemur að forsendur endurupptökunnar séu fjárhagslegir hagsmunir Markúsar Sigurbjörnssonar, sem var meðal dómara málsins, en hann tapaði tæpum átta milljónum á falli Glitnis 2008.

Í niðurstöður endurupptökunefndar segir að vegna fjárhagslegs taps Markúsar hafi Magnús haft ástæðu til að draga óhlutdrægni dómstólsins í efa.

Í málinu var Magnúsi og öðrum sakborningum gefið að sök að hafa framið umboðssvik með því að hafa gengið lengra en umboð þeirra til lánveitinga á vegum Glitnis náði með því að heimila lánveitingu til félagsins BK-44. Aðeins einn tölvupóstur tengdi Magnús við málið og var hann svohljóðandi:

„Ég er kominn með samþykki fyrir PM mörkum á BK-44 ehf, kt. 620200- 2120, upp á 4ma. kr. í 6 mánuði.“

Við rannsókn málsins sagði Magnús að hann hafi ekki verið að gefa leyfi fyrir umræddri lánveitingu með tölvupóstinum heldur einungis verið að bera skilaboð á milli um að leyfi hefði verið veitt.

„Það sjónarmið sem býr að baki þessari endurupptöku er einfalt, skjólstæðingur minn er saklaus,“

hefur Fréttablaðið eftir Páli Rúnari M. Kristjánssyni, lögmanni Magnúsar, sem telur einsýnt að dómurinn verði leiðréttur með nýjum dómi og Magnús sýknaður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Er þetta ástæðan fyrir því að Trump girnist Grænland?

Er þetta ástæðan fyrir því að Trump girnist Grænland?
Pressan
Fyrir 2 dögum

Hér bjó fólk í 2.000 ár – Dag einn hvarf það á braut

Hér bjó fólk í 2.000 ár – Dag einn hvarf það á braut
Pressan
Fyrir 3 dögum

Nostradamus nútímans með hrollvekjandi spá – Heimsstyrjöld og herkvaðning

Nostradamus nútímans með hrollvekjandi spá – Heimsstyrjöld og herkvaðning
Pressan
Fyrir 3 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 4 dögum

Dularfull spænsk steinrista gæti endurskrifað sögu manna í Evrópu

Dularfull spænsk steinrista gæti endurskrifað sögu manna í Evrópu
Pressan
Fyrir 4 dögum

Hægláta konan bjó með systur sinni og móður – Fáir vissu leyndarmál hennar

Hægláta konan bjó með systur sinni og móður – Fáir vissu leyndarmál hennar