Lögreglan í Paragvæ lagði hald á 2,3 tonn af kókaíni á þriðjudaginn. Efnið var um borð í skipi í Terport höfninni í Villeta sem er nærri höfuðborginni Asinción. Verðmæti efnisins er um hálfur milljarður dollar en það svarar til tæplega 70 milljarða íslenskra króna.

Tveir voru handteknir en lögreglan segir þetta stærsta fíkniefnamál sögunnar í Paragvæ. Kókaínið fannst í einum af sex gámum sem voru faldir í skipinu en farmur þess var kol. Enn á eftir að rannsaka hina fimm gámana svo ekki er útilokað að meira magn finnist.

Skipið var á leið til Ísrael en átti að hafa viðkomu í Buenos Aires í Argentínu og Antwerpen í Belgíu.