fbpx
Föstudagur 04.apríl 2025
Pressan

Á tveggja ára fangelsi yfir höfði sér fyrir að gefa slæma umsögn á Tripadvisor

Kristján Kristjánsson
Miðvikudaginn 30. september 2020 20:30

Ekki missa af Helstu tíðindum dagsins í pósthólfið þitt

Lesa nánar

Hjá Sea Wiev Resort í Taílandi er fólki mjög umhugað um umsagnir um hótelið á Tripadvisor en hótelið er með 4,5 í einkunn þar en hæsta mögulega einkunn er 5. Svo alvarlega er þetta tekið að hótelið hefur nú kært bandarískan mann fyrir að gefa því neikvæða umsögn. Hann á allt að tveggja ára fangelsi yfir höfði sér og sekt upp á sem nemur um einni milljón íslenskra króna.

The Telegraph skýrir frá þessu.

Sea View Resort er fjögurra stjörnu hótel í Koh Chang sem þykir mikil ferðamannaparadís. Samkvæmt kærunni þá skemmdi Wesley Barnes orðspor hótelsins með umsögn sinni á Tripadvisor. Það þarf að fara varlega í slíkar umsagnir í Taílandi vegna strangrar löggjafar um meiðyrði en mannréttindasamtök hafa oft gagnrýnt löggjöfina.

Það er óhætt að segja að Barnes hafi ekki látið hrósi og lofi rigna yfir hótelið í umsögn sinni. Í umsögn frá í júlí skrifar hann að hann hafi rekist á „óvingjarnlega starfsmenn“ sem „hegði sér eins og þeir vilji enga gesti“. Önnur umsögn hans var fjarlægð því hún stríðir gegn reglum Tripadvisor en í henni sakaði hann hótelið um „nútímaþrælahald“.

Barnes, sem starfar í Taílandi, var handtekinn eftir að kæran var lögð fram og var í haldi í tvo sólarhringa þar til trygging var greidd fyrir lausn hans.

Talsmenn Sea View Resort segja að deilurnar hafi hafist þegar Barnes reyndi að fara með áfengi upp á hótelherbergið sitt en það má ekki samkvæmt hótelreglum. Hann varð að sögn mjög æstur og gerði lítið úr starfsfólki hótelsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Í gær

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 2 dögum

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 2 dögum

Leynileg hernaðarskjöl fundust á götu úti í Newcastle

Leynileg hernaðarskjöl fundust á götu úti í Newcastle
Pressan
Fyrir 3 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 3 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Lyklaði bíl frá Teslu og er krafinn um yfir 100 milljónir í bætur

Lyklaði bíl frá Teslu og er krafinn um yfir 100 milljónir í bætur