fbpx
Föstudagur 04.apríl 2025
Pressan

Nýtt bréf til Tom Hagen vakti vonir hans

Kristján Kristjánsson
Mánudaginn 28. september 2020 06:58

Anne-Elisabeth og Tom Hagen.

Ekki missa af Helstu tíðindum dagsins í pósthólfið þitt

Lesa nánar

Eftir að Anne-Elisabeth Hagen hvarf frá heimili sínu í útjaðri Osló í lok október 2018 fann eiginmaður hennar, Tom Hagen, bréf með kröfu um að hann greiddi lausnargjald upp á 9 milljónir evra ef hann vildi sjá eiginkonu sína aftur á lífi. Hann greiddi þetta ekki og næstu átta mánuði rannsakaði lögreglan málið sem mannrán.

En eftir þessa átta mánuði tilkynnti lögreglan um breytta stefnu við rannsókn málsins og sagðist nú sannfærð um að Anne-Elisabeth hefði verið myrt á heimili sínu þennan örlagaríka októbermorgun. Sagðist lögreglan telja að lausnargjaldskrafan hefði eingöngu verið sett fram til að villa um fyrir lögreglunni.

Tíu dögum síðar barst Tom Hagen tölvupóstur. Hann var dulkóðaður og skrifaður á lélegri norsku. TV2 skýrir frá þessu. Fram kemur að í tölvupóstinum hafi komið fram að mannræningjarnir væru reiðubúnir til að lækka lausnargjaldskröfuna um 40%, niður í 5,4 milljónir evra. Einnig kom fram að þeir væru reiðubúnir til að ræða málið og vera „sveigjanlegir“ í samningum gegn því að hann greiddi „tryggingu“.

Þetta kemur að sögn TV2 fram í minnisblaði sem einhver náinn Hagen skrifaði fyrir hans hönd og lögreglan fékk síðan afhent. Í minnisblaðinu eru einnig ýmsar vangaveltur Tom Hagen um málið. Í minnisblaðinu lýsir Tom Hagen því hvernig hann túlki innihald tölvupóstsins. Hann telur að höfundurinn spili inn á tilfinningar, meðal annars með því að segja að Anne-Elisabeth hafi þurft að bíða lengi. Einnig kemur fram að hún hafi þörf fyrir læknisaðstoð sem mannræningjarnir geta ekki séð henni fyrir.

„Gæti kona hafa skrifað bréfið?“

spyr Hagen í minnisblaðinu.

Daginn eftir að hann fékk tölvupóstinn fór hann til norsku lögreglunnar og millifærði 10 milljónir norskra króna til mannræningjanna. TV2 segir að það hafi verið tryggingarfé það sem nefnt var í tölvupóstinum í tengslum við sveigjanleika mannræningjanna hvað varðar upphæð lausnargjaldsins.

Tom Hagen var síðar handtekinn og úrskurðaður í gæsluvarðhald vegna gruns um að hann tengist hvarfi Anne-Elisabeth á einn eða annan hátt. Hann sat í gæsluvarðhaldi í nokkra daga þar til æðra dómstig felldi gæsluvarðhaldsúrskurðinn úr gildi. Hann er enn grunaður um aðild að hvarfi hennar og morði en neitar sök.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Lést á voveiflegan hátt skömmu eftir að hafa lent í bílslysi

Lést á voveiflegan hátt skömmu eftir að hafa lent í bílslysi
Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Fyrir 2 dögum

Gæsun breyttist í martröð fyrir 27 ára tilvonandi brúði

Gæsun breyttist í martröð fyrir 27 ára tilvonandi brúði
Pressan
Fyrir 2 dögum

Yfirmaður bólusetninga í Bandaríkjunum hættir störfum

Yfirmaður bólusetninga í Bandaríkjunum hættir störfum
Pressan
Fyrir 3 dögum

Óhugnaður í Þýskalandi: Dauðaleit stendur yfir að sex ára dreng

Óhugnaður í Þýskalandi: Dauðaleit stendur yfir að sex ára dreng
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 4 dögum

Nostradamus nútímans með hrollvekjandi spá – Heimsstyrjöld og herkvaðning

Nostradamus nútímans með hrollvekjandi spá – Heimsstyrjöld og herkvaðning
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði