Mike Pence, varaforseti Bandaríkjanna, flutti ræðu á landsfundi Repúblikana í gærkvöldi. Hann var aðalræðumaður kvöldsins og dró hann ekki upp fagra mynd af framtíð Bandaríkjanna ef Joe Biden verður kjörinn forseti í kosningunum í nóvember.

Pence sagði að Biden væri gagnslaus atvinnupólitíkus. Hann sagði að ef Bandaríkjamenn kjósi Biden sem forseta í stað Donald Trump þá verði það verst fyrir þá sjálfa.

„Hinn óþægilegi sannleikur er að maður mun ekki telja sig öruggan í Bandaríkjum Joe Biden,“

sagði Pence sem ávarpaði landsfundinn í gegnum fjarfundabúnað frá Fort McHenry í Baltimore í Maryland. Stærstu hluti fundarins fer fram í gegnum fjarfundabúnað vegna kórónuveirufaraldursins.

Joe Biden var þó ekki eina umræðuefni Pence sem samþykkti formlega og þakkaði fyrir tilnefninguna sem varaforsetaefni flokksins. Hann ræddi einnig um góðan árangur í efnahagsmálum, undir stjórn Trump, þar til kórónuveirufaraldurinn skall á.