fbpx
Föstudagur 04.apríl 2025
Pressan

Nýir húseigendur ætluðu að koma lúxuseigninni í gott stand – Gerðu óhugnanlega uppgötvun í kjallaranum

Kristján Kristjánsson
Miðvikudaginn 12. ágúst 2020 05:45

Húsið góða. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Í rúmlega 30 ár stóð stórt og reisulegt hús í hjarta Parísar autt og yfirgefið. En nýlega keypti auðmaðurinn Jean-Bernard Lafonta húsið og greiddi 35 milljónir evra fyrir. Húsið er við 12 rue Qudinot sem er skammt frá embættisbústað franska forsætisráðherrans.

Á ljósmyndum má sjá að búið var að múra upp í gluggaop og að garðurinn var í algjörri órækt. En Lafonta hófst strax handa við endurbætur á húsinu og réði iðnaðarmenn til verksins. Þeir hófust fljótlega handa við endurbætur á húsinu en fljótlega gerðu þeir óhugnanlega uppgötvun.

Þegar þeir fjarlægðu spýtnahrúgu og múrsteina í kjallara fundu þeir lík. Strax var ljóst að líkið var með nokkur beinbrot og hnífsstungur. Lögreglan rannsakar málið því sem morð. Skilríki voru á líkinu og sýna þau að hinn látni hét Jean-Pierre Renaud en hann var heimilislaus. Le Monde hefur eftir talsmanni lögreglunnar að hann hafi einnig glímt við áfengisvandamál.

Talsmaðurinn sagði að lögreglan telji að Renaud hafi lent í slagsmálum við annan utangarðsmann. Óljóst sé þó hvort hann hafi látist í húsinu eða hvort lík hans hafi verið flutt þangað. Hugsanlega takist aldrei að finna þann sem varð honum að bana enda sé alveg eins líklegt að viðkomandi sé einnig látinn.

The Guardian segir að samkvæmt fréttum franskra fjölmiðla hafi líkið líklega legið í kjallaranum í rúmlega 30 ár.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Í gær

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 2 dögum

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 2 dögum

Leynileg hernaðarskjöl fundust á götu úti í Newcastle

Leynileg hernaðarskjöl fundust á götu úti í Newcastle
Pressan
Fyrir 3 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 3 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Lyklaði bíl frá Teslu og er krafinn um yfir 100 milljónir í bætur

Lyklaði bíl frá Teslu og er krafinn um yfir 100 milljónir í bætur