fbpx
Miðvikudagur 02.apríl 2025
Pressan

Sænska ríkisstjórnin óttast að norrænt samstarfi bíði skaða vegna einangrunar landsins

Kristján Kristjánsson
Miðvikudaginn 17. júní 2020 22:00

Fánar Norðurlandanna. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Ann Linde, utanríkisráðherra Svíþjóðar, óttast að heimsfaraldur kórónuveirunnar og sú einangrun sem hin Norðurlöndin hafa nánast sett Svíþjóð í muni skaða norrænt samstarf til framtíðar.

Dagens Nyheter hefur þetta eftir henni.

Danmörk, Noregur og Ísland hafa nú opnað landamæri sín fyrir ríkisborgurum hinna ríkjanna en Svíar fá ekki að koma til Noregs og Danmerkur. Norðmenn mega þó fara til sænsku eyjunnar Gotlands þar sem lítið er um smit. Ástæðan fyrir þessari útilokun Svía er að smithlutfallið þar í landi er enn mjög hátt sem og dánartalan. Norðmenn hafa einnig opnað fyrir heimsóknir Finna.

Linde sagði að ríkin mættu auðvitað taka þær ákvarðanir sem þau vildu til að vernda eigin ríkisborgara en staðreyndin væri að faraldurinn hefði verið miklu mildari hjá þeim en í Svíþjóð. Í Svíþjóð hafi faraldurinn þó verið mjög svæðisskiptur. Hún benti til dæmis á að á Skáni hefðu mun færri smitast og látist en í Kaupmannahöfn.

Hún sagði að reynt hefði verið að ná samkomulagi við nágrannaríkin um að opna fyrir samgang á milli ákveðinna svæða en án árangurs.

„Á sumum svæðum hafa löndin unnið saman síðan á sjötta áratugnum en skyndilega verður samkeppni og þungar tilfinningar vakna á milli fólks þar sem engin landamæri voru áður.“

Sagði hún og lýsti yfir áhyggjum af neikvæðum áhrifum á norrænt samstarf vegna þessa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

„Hógvær“ Breti heiðraður af borgarstjóranum í Amsterdam – Yfirbugaði hnífamann

„Hógvær“ Breti heiðraður af borgarstjóranum í Amsterdam – Yfirbugaði hnífamann
Pressan
Fyrir 2 dögum

Nostradamus nútímans með hrollvekjandi spá – Heimsstyrjöld og herkvaðning

Nostradamus nútímans með hrollvekjandi spá – Heimsstyrjöld og herkvaðning
Pressan
Fyrir 3 dögum

Hægláta konan bjó með systur sinni og móður – Fáir vissu leyndarmál hennar

Hægláta konan bjó með systur sinni og móður – Fáir vissu leyndarmál hennar
Pressan
Fyrir 3 dögum

Sjö slæm mistök sem margir gera í svefnherberginu

Sjö slæm mistök sem margir gera í svefnherberginu
Pressan
Fyrir 4 dögum

Báru kennsl á líkið eftir sjö ár

Báru kennsl á líkið eftir sjö ár
Pressan
Fyrir 4 dögum

Kínverjar vonast til að ókeypis mjólk leiði til fleiri barnsfæðinga

Kínverjar vonast til að ókeypis mjólk leiði til fleiri barnsfæðinga