CBS News segir að bæjarbúar hafi passað sérstaklega vel upp á Damon og gætt þess að fjölmiðlar kæmust ekki nærri honum. Þetta hófst þegar þáttastjórnendur útvarpsþáttarins Fully Charged heyrðu að hann væri á svæðinu. Þeir fóru þá að reyna að hafa uppi á honum til að fá hann í viðtal. Það reyndist þó ekki auðvelt og leið mánuður þar til þeim tókst það loksins
Damon mætti nýlega í viðtalið og var ánægður með þolinmæði þáttastjórnendanna við að reyna að hafa uppi á honum og með bæjarbúana og hvernig þeir vernduðu hann fyrir fjölmiðlum.
„Ég veit ekki hvort þú veist hversu vel íbúarnir í Dalkey gættu þín, eins og skartgrips.“
Sagði þáttastjórnandinn við Damon. Hann hafði skráð sig í Facebookhóp íbúa í Dalkey því þar skrifaði fólk meðal annars að það hefði séð Damon í bænum. Það leið þó ekki nema einn dagur þar til íbúarnir áttuðu sig á tilgangi þáttastjórnandans með skráningunni í hópinn og var honum umsvifalaust sparkað út.
„Ég heyrði þessa sögu og hló hátt. Þá áttaði ég mig á hversu frábær þessi staður er og hversu vel fólkið gætti mín. Ég vissi ekki af þessu.”
Sagði Damon í viðtalinu. Hann sagðist einnig eiginlega vera með slæma samvisku því ekki hefði verið nauðsynlegt fyrir þáttastjórnendurna að leggja svona mikið á sig til að ná í hann. Hann hafði heyrt í útvarpinu að þeir vildu ræða við hann. Hann var þá í bíltúr með börnin sín og hafði reynt að leggja símanúmer þáttarins á minnið en gleymdi því fljótt. Það hefði síðan verið eiginkona hans sem minnti hann á að hringja í þáttinn og bent honum á að það væri auðvelt að finna símanúmerið.
Hvað varðar heimsfaraldurinn sagði Damon að hann og fjölskyldan væru heppin. Þau hafi öll verið saman á Írlandi og þar sem þau hafi reiknað með að vera þar í átta vikur á meðan á tökum stæði hafi þau verið búin að ráða kennara fyrir börnin. Þau hafa nú verið í Dalkey í þrjá mánuði og ekki er ljóst hvenær þau fara heim. Hann sagði bæinn og íbúana vera ævintýralega og þetta sé einn fallegast staðurinn sem hann hafi séð.
