fbpx
Föstudagur 25.apríl 2025
Pressan

„Grunsamlega“ margir hafa látist í nígerískri stórborg

Kristján Kristjánsson
Fimmtudaginn 30. apríl 2020 21:00

Hluti af Kano. Mynd:Wikipedia

Ekki missa af Helstu tíðindum dagsins í pósthólfið þitt

Lesa nánar

Forseti Nígeríu hefur fyrirskipað tveggja vikna stöðvun nær allrar atvinnustarfsemi í borginni Kano, sem er stærsta borgin í samnefndu fylki. Einnig á fólk að halda sig heima við og forðast nánd við annað fólk. Ástæðan er mikil fjölgun dauðsfalla í borginni að undanförnu.

The Guardian skýrir frá þessu. Fram kemur að grunsemdir hafi vaknað um að dauðsföllin séu af völdum kórónuveirunnar sem veldur COVID-19 sjúkdómnum. Borgaryfirvöld neita því og segja að um inflúensu sé að ræða.  Læknar í borginni hafa þó áhyggjur af að hér sé um dauðsföll af völdum COVID-19 að ræða.

Ríkisstjórn landsins hefur lofað að veita borgaryfirvöldum nauðsynlegan stuðning.

Í fyrradag höfðu aðeins 32.138 tilfelli COVID-19 verið staðfest í Afríku og 1.438 dauðsföll. En þar sem innviðir margra samfélaga eru lélegir og takmarkaðir möguleikar á að taka sýni úr fólki þá eru þessar tölur væntanlega miklu hærri. Þróun mála í Kano síðustu daga bendir til að stórir faraldrar kórónuveiru séu nú í Afríku.

Alþjóðaheilbrigðismálastofnunin WHO hefur varað við því að 10 milljónir Afríkubúa geti látist af völdum COVID-19 á næstu þremur til sex mánuðum. Þó sé hægt að lækka þessa tölu mikið ef yfirvöldum tekst að halda aftur af útbreiðslu veirunnar.

Nígerísk yfirvöld hafa lofað að í þessu fjölmennasta ríki álfunnar verði tekin sýni úr fólki, það fái viðeigandi læknismeðferð og verði sett í einangrun. Þetta gengur þó hægt því aðeins hafa verið tekin um 10.000 sýni í landinu. 1.182 smit hafa verið staðfest og 35 dauðsföll.

Eina sýnatökustöðin í Kano var lokuð mestan hluta síðustu viku því fjórir starfsmenn hennar höfðu greinst með COVID-19.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 2 dögum

Viðtal við tvíburasystur vekur mikla athygli – „Topp 5 besta viðtal allra tíma“

Viðtal við tvíburasystur vekur mikla athygli – „Topp 5 besta viðtal allra tíma“
Pressan
Fyrir 2 dögum

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 3 dögum

Fékk 68 milljónir í vasapeninga á mánuði frá tengdamömmu sinni – Vildi meira

Fékk 68 milljónir í vasapeninga á mánuði frá tengdamömmu sinni – Vildi meira
Pressan
Fyrir 4 dögum

Kortlagði hvenær ástarsambönd verða hættuleg – Átta stig sem leiða til morðs

Kortlagði hvenær ástarsambönd verða hættuleg – Átta stig sem leiða til morðs
Pressan
Fyrir 4 dögum

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“