Ljón, sem liggja á veginum og fá sér blund, eru ekki daglegt brauð, ekki einu sinni í Kruger þjóðgarðinum í Suður-Afríku. En vegna COVID-19 faraldursins hefur breyting orðið á og nú er það nánast daglegt brauð að ljónin fá sér góðan blund á veginum í þjóðgarðinum.

Í miðjum heimsfaraldri virðast ljónin hafa vanið sig á að vera laus við ágang fólks og miðað við myndir frá þjóðgarðinum þá sakna þau ekki heimsókna fólks.

„Það er óvenjulegt að þau liggi á miðjum veginum að degi til því við venjulegar aðstæður myndi vera umferð sem neyddi þau út af veginum.“

Hefur CNN eftir Isaac Phaahla, talsmanni þjóðgarðsins.

Á venjulegum degi væri þjóðgarður fullur af gestum en hann hefur verið lokaður síðan 25. mars til að koma í veg fyrir kórónuveirusmit.

https://www.facebook.com/krugerpark.co.za/posts/10157598858442961