Dönsk kona, sem var gengin fimm mánuði með barn sitt, missti það skyndilega í mars á síðasta ári. Hún skildi ekkert í því þar sem meðgangan hafði gengið mjög vel og að vonum var þetta mikið áfall fyrir hana. Lögreglan í Kaupmannahöfn telur að 28 ára unnusti konunnar hafi framkallað fósturlát án hennar vitneskju með því að hafa laumað lyfinu Cytotek inn í leggöng hennar þegar þau stunduðu kynlíf. Cytotek veldur fósturláti.

Ekstra Bladet skýrir frá þessu. Fram kemur að lyfið sé í formi lítilla stíla. Konan missti barnið nokkrum klukkustundum eftir að hafa stundað kynlíf með unnusta sínum marsnótt eina í mars 2018.

Maðurinn neitar sök en hann er ákærður fyrir sérstaklega grófa og hættulega líkamsárás. Þar sem um ófætt barn er að ræða ekki hægt að ákæra manninn fyrir morð.

Lögreglan telur að maðurinn hafi fengið vin sinn til að kaupa lyfið í apóteki í Istanbúl í Tyrklandi og senda til Kaupmannahafnar. Þar tók annar maður við sendingunni að mati lögreglunnar og afhenti honum síðan.

Mánuði áður stóð maðurinn, að mati lögreglunnar, að baki árásar á konuna. Hann er einnig ákærður fyrir þá árás en samkvæmt ákærunni fjarlægði hann allar rær af afturhjólum bifreiðar konunnar og losaði rærnar á framhjólunum. Hún uppgötvaði þetta þó áður en slys hlaust af.

Konan á tvö börn.