fbpx
Miðvikudagur 02.apríl 2025
Pressan

Tengdasonur Noregskonungs í mótvindi – „Þetta er svo heimskulegt og sorglegt“

Kristján Kristjánsson
Föstudaginn 3. apríl 2020 07:58

Martha prinsessa og Shaman Durek Verrett unnusti hennar. Mynd:Facebook

Ekki missa af Helstu tíðindum dagsins í pósthólfið þitt

Lesa nánar

Enn einu sinni hefur unnusti Märtha Louise, Noregsprinsessu, komið sér í vandræði fyrir ummæli sín. Hann heitir Durek Verrett og er að eiginn sögn andlegur leiðbeinandi fólks og heilari. Hann hefur áður komst í sviðsljósið fyrir að segjast geta læknað krabbamein og fyrir að vilja „hreinsa“ kynfæri kvenna. Nú er hann kominn með lausnina á COVID-19 faraldrinum að eigin mati.

Verrett segir að hægt sé að vernda sig gegn faraldrinum með því að senda þulur út í alheiminn. Ekki eru allir sáttir við þetta og einn þeirra er Dan Larhammar prófessor við háskólann í Uppsala í Svíþjóð og formaður konunglegu sænsku vísindaakademíunnar. Í samtali við Svensk Dam skóf hann ekki utan af hlutunum:

„Þetta er eitt það versta sem ég hef heyrt. Maðurinn virðist vera kolruglaður. Þetta er svo heimskulegt og sorglegt. Það er skammarlegt að hann breiði boðskap sinn út til svo margra.“

Verrett hefur auglýst hugleiðsluæfingar sínar á Instagram og segir þær geta veitt fólki „innri styrk til að vernda sig sjálft og styrkja ónæmiskerfið. Þessar hugleiðslur munu vernda þig fyrir neikvæðum orkustraumum og veirum.“

Verrett sagði nýlega í bandaríska spjallþættinum „This morning“ að það hefði ekki komið honum á óvart að COVID-19 veiran herjaði nú á heimsbyggðina. Þetta hefði hann séð fyrir í bók sinni „Spirit Hacking“.

„Í shamanisme er svolítið sem við köllum The Blackout. Það snýst um að þróunarstig þar sem við neyðumst til að hittast og losa okkur við alla yfirborðslega hluti sem við setjum orku okkar í. Við neyðumst til að passa jörðina, hvert annað og dýrin. Þetta er fyrsti fasinn, þekktur sem „pestin“, hér köstum við eigingirninni frá okkur og áttum okkur á hvað er mikilvægt.“

Sagði hann í þættinum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

„Hógvær“ Breti heiðraður af borgarstjóranum í Amsterdam – Yfirbugaði hnífamann

„Hógvær“ Breti heiðraður af borgarstjóranum í Amsterdam – Yfirbugaði hnífamann
Pressan
Fyrir 2 dögum

Nostradamus nútímans með hrollvekjandi spá – Heimsstyrjöld og herkvaðning

Nostradamus nútímans með hrollvekjandi spá – Heimsstyrjöld og herkvaðning
Pressan
Fyrir 3 dögum

Hægláta konan bjó með systur sinni og móður – Fáir vissu leyndarmál hennar

Hægláta konan bjó með systur sinni og móður – Fáir vissu leyndarmál hennar
Pressan
Fyrir 3 dögum

Sjö slæm mistök sem margir gera í svefnherberginu

Sjö slæm mistök sem margir gera í svefnherberginu
Pressan
Fyrir 4 dögum

Báru kennsl á líkið eftir sjö ár

Báru kennsl á líkið eftir sjö ár
Pressan
Fyrir 4 dögum

Kínverjar vonast til að ókeypis mjólk leiði til fleiri barnsfæðinga

Kínverjar vonast til að ókeypis mjólk leiði til fleiri barnsfæðinga