fbpx
Föstudagur 28.febrúar 2025
Pressan

Andstæðingur bólusetninga hneykslar – „Eina leiðin til að smitast af þessari veiru er að henni sé sprautað beint í æð“

Kristján Kristjánsson
Föstudaginn 3. apríl 2020 21:00

Tom Barnett. Mynd:Facebook

Ekki missa af Helstu tíðindum dagsins í pósthólfið þitt

Lesa nánar

Ástralinn Tom Barnett er harður andstæðingur bólusetninga og velþekktur í samfélagi þeirra sem eru andsnúnir bólusetningum. Undanfarna daga hefur hann verið enn meira í sviðsljósinu er venjulega eftir að hann birti myndband á Facebook og YouTube þar sem hann segir að fólk geti ekki smitast af veirunni af dropum, sem berast í loftinu, eða með því að snerta yfirborðsfleti sem veiran er á.

Þetta gengur þvert gegn því sem sérfræðingar um alla heim segja.

„Eina leiðin til að smitast af þessari veiru er að henni sé sprautað beint í æð.“

Segir hann í myndbandinu sem fór á mikið flug á netinu að sögn News.com.au. Tæplega 200.000 manns náðu að horfa á það áður en það var fjarlægt af YouTube. Það er hægt að sjá það á vefsíðu News.com.au.

En Barnett lætur ekki duga að segja þetta því hann setur fram ýmsar fullyrðingar og hvatningar til fólks sem ganga algjörlega gegn því sem sérfræðingar ráðleggja. Hann hvetur fólk til að sleppa því að þvo sér um hendurnar og að það þurfi ekki að gæta þess að halda sig fjarri öðru fólki.

Barnett hefur meðal annars fengið stuðning frá hægrisinnuðum samtökum sem heita „Reclaiming Australia“ auk fólks sem hefur efasemdir um 5G símkerfið. Í hópi 5G efasemdafólksins eru margir sannfærðir um að náin tengsl séu á milli 5G og kórónuveirunnar. Fólkið segir að 5G muni valda sprengingu í „rafgeislun“ sem eyðileggi ónæmiskerfi fólks sem á nú þegar í vök að verjast vegna COVID-19 faraldursins. Þessu hafa sérfræðingar og fagaðilar vísað algjörlega á bug.

Barnett er vel þekktur í Ástralíu en hann hefur meðal annars verið í framboði fyrir Involuntary Medication Objectors Party sem hefur ekki notið mikils stuðnings kjósenda.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Seldar mansali og egg tekin úr legi þeirra

Seldar mansali og egg tekin úr legi þeirra
Pressan
Fyrir 3 dögum

Kara sakfelld fyrir að myrða tvo unga syni sína

Kara sakfelld fyrir að myrða tvo unga syni sína
Pressan
Fyrir 3 dögum

Dætur Ruby Franke segja uppeldisrás móðurinnar hafa eyðilagt líf þeirra – „Þú ert að selja æsku þína“

Dætur Ruby Franke segja uppeldisrás móðurinnar hafa eyðilagt líf þeirra – „Þú ert að selja æsku þína“
Pressan
Fyrir 4 dögum

Dularfullir QR-kóðar settir á rúmlega 1.000 legsteina – Hver bjó þá til og hver er tilgangurinn?

Dularfullir QR-kóðar settir á rúmlega 1.000 legsteina – Hver bjó þá til og hver er tilgangurinn?
Pressan
Fyrir 4 dögum

Hér fær starfsfólkið sjálfsfróunarpásu daglega

Hér fær starfsfólkið sjálfsfróunarpásu daglega
Pressan
Fyrir 4 dögum

Tvítugur ökumaður missir BMW-bílinn sinn – Þykir sérlega óheppinn

Tvítugur ökumaður missir BMW-bílinn sinn – Þykir sérlega óheppinn