Victoria Maclean 39 ára þriggja barna móðir sem búsett er í Neatn í Suður Wales á Englandi hefur síðustu 18 ár safnað af miklum móði 3686 hlutum í stórt og veglegt Harry Potter safn sitt.
Hlutina varðveitir hún heima hjá sér, þar á meðal uppáhalds hlut hennar og um leið þann fágætasta, 24 karata gull húðað snitchpúsl frá Japan.
„Mig minnir að það hafi komið út á sama tíma og Chamber of Secrets (Harry Potter og leyniklefinn). Það voru gerð 5 þúsund eintök og það tók mig um sex mánuði að eignast eintak. En ekki taka það í sundur, því það er mjög erfitt að setja það aftur saman!“
We all have that one friend who loves the wizarding world this much… ?♂️?♂️#Wizarding #Wizards #Witches pic.twitter.com/v1NnxI0pjr
— BBC Breakfast (@BBCBreakfast) March 25, 2019
Maclean segir að ástríðan fyrir Harry Potter og Fantastic Beasts hafi byrjað þegar hún var 21 árs, þegar hún las fyrstu bókina í bókaflokknum, Harry Potter and the Philosopher´s Stone, árið 2001, fjórum árum eftir að bókin kom út.
Síðan þá hefur hún bókstaflega safnað öllu sem hún sér, sem tengist Harry Potter.
Heimsmetabók Guinnes fór vandlega yfir safn Maclean, telja þurfti hvern einasta hlut og mynda og skrásetja áður en Maclean fékk afhent skjal um að hún hefði slegið nýtt heimsmet.
Fyrra met átti Menahem Asher Silva Vargas frá Mexíkó, sem öðlaðist heimsmetið 5. nóvember 2013. Uppáhaldshlutur hans er hringlótt veggskraut sem inniheldur mynd af Harry Potter í Leyniklefanum, hluturinn var gjöf frá Móður Vargas.
Maclean hefur ekki látið sér duga að láta safnið yfirtaka heimili sitt, því hún heldur einnig úti YouTube rás og Facebook-síðu þar sem hún póstar reglulega efni, myndum og myndböndum úr safni sínu.
Það er tilvalið fyrir Harry Potter aðdáendur, nýja sem eldri, að skoða safn Maclean nú þegar 20 ár eru liðin frá því fyrsta bókin kom út á íslensku.
Hér má sjá nokkrar myndir úr risavöxnu safni Maclean.
