Þetta eru niðurstöður nýrrar bandarískrar könnunar sem Fox News skýrði nýlega frá. Í henni voru svefnvenjur og ýmislegt annað hjá 2.000 Bandaríkjamönnum kannað.
Niðurstöðurnar sýna að B-manneskjur eru oftar feimnar og kaldhæðnar og nota Instragram frekar en A-manneskjur og trúa frekar á drauga. Auk þess eru meiri líkur á að þær séu einhleypar en A-manneskjur eru frekar í hjónabandi og eiga börn.
Þegar kemur að leitinni að hinum eina rétta eða hinni einu réttu eru B-manneskjur duglegri við að nota stefnumótasíður á netinu. En A-manneskjur þéna yfirleitt meira og vinna frekar skrifstofuvinnu en B-manneskjur. En A-manneskjur hafa einnig tilhneigingu til að mæta oftar of seint til vinnu en B-manneskjur.
B-manneskjur eru tryggari og traustari en A-manneskjur eru oftar hamingjusamari en B-manneskjur.
Það er líka að sögn skýrt mynstur á kynjahlutföllunum í báðum hópum. Karlar eru í meirihluta í A-hópnum en konur í B-hópnum.
