Börn og ungt fólk með astma og léleg lungu ætti ekki að vera í sama herbergi og þeir sem reykja rafrettur. Þetta segir Charlotta Pisinger, prófessor og yfirlæknir í tóbaksforvörnum á Bispebjerg og Frederiksberg sjúkrahúsunum í Danmörku.

Þessi orð lét hún falla í framhaldi af birtinu niðurstaðna nýrrar bandarískrar rannsóknar sem sýnir að það getur verið slæmt fyrir heilsun að anda að sér reyk úr rafrettum. Þannig er gufan frá rafrettun heilsuspillandi eins og reykur frá sígarettum.

Í læknaritinu Propatienter segir Pisinger að hún telji mikilvægt að fræða fólk um að ef það er með astma eða léleg lungu eigi það ekki að vera í rýmum þar sem rafrettur eru reyktar, það sama gildi um þetta og dvöl í herbergjum þar sem venjulegar sígarettur eru reyktar.

„Lungun hafa einfaldlega ekki gott af gufunni frá rafrettunum.“

Rannsóknin, sem var kveikjan að þessum orðum Pisinger, var nýlega birt í vísindaritinu Chest Journal. Hún beindist að börnum og ungmennum sem þjást af astma.

Pisinger segir að niðurstöðurnar sýni að ef líkurnar á astmakasti aukist um 27 prósent ef manneskja með astma sé í herbergi eða bíl með einhverjum sem reykir rafrettu. Börn og ungmenni eru í sérstökum áhættuhóp því öndunarfæri þeirra eru viðkvæm.