Þetta kom fram í sjónvarpsþættinum „Profil af en morder“ á Kanal 5 á þriðjudagskvöldið.
„Þetta var rannsókn þar sem ég þurfti að grípa til róttækra aðferða til að hægt væri að bera kennsl á líkið.“
Sagði Ove Dahl, sem stýrði rannsókninni, í þættinum.
Réttarmeinafræðingar komust fljótlega að þeirri niðurstöðu að líkið hefði verið skorið í sundur af viðvaningi og að ekki væri langt um liðið síðan það gerðist. En það var ekki auðvelt að bera kennsl á líkið.
„Hann var ekki með nein sérstök einkenni. Hann var ekki með neina skartgripi, engin húðflúr, ekkert sem gat hjálpað okkur að bera kennsl á hann.“
Sagði Dahl. Fingraför fórnarlambsins voru heldur ekki á skrá yfirvalda. Úðabrúsi fannst á vettvangi en morðinginn hafði reynt að troða honum upp í endaþarm hins látna.
Dahl sagði að hann hefði talið sig tilneyddan til að grípa til óvenjulegra og róttækra aðgerða til að hægt væri að bera kennsl á líkið.
„Ég veit vel að þetta er óþægilegt, en ef það er einhver þarna úti, einn af nánustu ættingjunum, þá neyðist maður bara til að gera eitthvað.“
Sagði Dahl. Hann ákvað að lögreglan myndi birta mynd af líkinu en áður höfðu áverkarnir á andliti þess verið huldir. Þetta bar árangur og kennsl voru borin á líkið sem var af leigubílstjóranum Torben Vagn Knudsen. En morðið var fjarri því að vera upplýst.
Lögreglunni bárust síðan nokkrar ábendingar frá íbúum og vintum í Adelgade 63 sem höfðu sé Knudsen fara inn í bygginguna. Á fyrstu hæð bjó Ahmed Isaac Rahma, betur þekktur sem Jagúarinn, og beindist grunur lögreglunnar fljótt að honum. Við leit í íbúð hans fundust kjötleifar og blóð bak við ofn inni á baði. Baðherbergið hafði verið þrifið vel, nánast dauðhreinsað en þetta hafði þó farið framhjá þeim sem þreif það. Rannsókn leiddi í ljós að kjötið og blóðið var úr Knudsen.
Í íbúðinni fannst lokið af úðabrúsanum sem hafði verið reynt að troða upp í endaþarm Knudsen.
Á þessum tímapunkti fékk lögreglan upplýsingar um að Jagúarinn væri á kaffihúsi í Kaupmannahöfn. En þegar lögreglumenn komu þangað voru 15 mínútur síðan hann fór þaðan. Síðar kom í ljós að honum var ekið frá kaffihúsinu á aðaljárnbrautarstöðina í Kaupmannahöfn þar sem hann tók lest til Þýsklands. Þaðan fór hann síðan til heimalands síns, Súdan.
„Okkur fannst öllum að við værum alveg á hælum hans og að við værum mjög nálægt því að ná honum. Það er bæði ergilegt og miður að við náðum honum ekki.“
Sagði Dahl.
Jagúarinn hefur aldrei náðst en talið er að hann haldi sig enn í Súdan.
Jared Heller, 35 ára, var handtekinn og dæmdur fyrir sinn hlut í málinu en hann var félagi Jagúarsins. Heller sagði fyrir dómi að þeir hefðu hitt Knudsen á bar í Kaupmannahöfn og hafi síðan farið heim til Jagúarsins. Þar hafi Jagúarinn drepið Knudsen á meðan Heller svaf. Hann hafi síðan komið að Jagúarnum og líkinu inni á baði og hafi neyðst til að aðstoða við að sundurhluta líkið.
Dahl sagði að þessi skýring sé frekar ósennileg að hans mati. Þetta sé hugsanlega uppspuni frá rótum.
Jared Heller var dæmdur í fjögurra mánaða fangelsi og vísað úr landi í fimm ár.
