Rúmlega 25.000 Suður-Kóreubúar hafa látið grafa sig lifandi frá 2012. Það er Hyowon Healing Center í Seoul sem býður fólki upp á þá þjónustu að láta grafa sig lifandi. Inni í ferlinu er falið að fólk fær líkklæði, myndir frá útförinni, erfðaskrá er gerð og síðan fær fólkið að liggja í líkkistu í tíu mínútur. Það er sem sagt verið að líkja eftir jarðarför.

Unglingar og fullorðnir hafa nýtt sér þjónustu og eins og tölurnar gefa til kynna nýtur hún töluverðra vinsælda. Choi Jin-kyu, háskólanemi, sagði að tíminn í kistunni hafi hjálpað honum að skilja að hann eigi ekki að líta á annað fólk sem keppinauta.

Suður-Kórea var í 33. sæti af 40 í nýlegri rannsókn þar sem rannsakað var hvernig fólki líður. 2016 var sjálfsvígstíðnin í landinu næstum því tvöfalt hærri en að meðaltali á heimsvísu. 20,2 af hverjum 100.000 landsmönnum tóku eigið líf það ár.

Jeong Young-mun, forstjóri Hyowon Healing Center, segir að þjónustan eigi að hjálpa fólki að meta líf sitt að verðleikum og sækjast eftir fyrirgefningu eða sáttum

„Við erum ekki hér að eilífu og því finnst mér þessi reynsla svo mikilvæg. Við getum sagt fyrirgefðu og sæst hraðar og lifað lífinu ánægð.“

Segir hann.