„Við teljum okkur geta læknað krabbamein algjörlega innan árs.“ Sagði Dan Aridor í samtali við Jerusalem Post. Hann og samstarfsfólk hans hjá Accelerated Evolution Biotechnologies Ltd. (AEBi) hafa unnið að þróun meðferðarinnar.
„Lækningaaðferð okkar verður virk frá fyrsta degi, mun taka nokkrar vikur og hafa engar eða sáralitlar aukaverkanir og verða ódýrari en aðrar krabbameinsmeðferðir. Lausn okkar verður bæði almenn og einstaklingsbundin.“
Sagði Aridor sem er stjórnarformaður AEBi.
Þetta eru auðvitað frábærar fréttir ef rétt reynist að aðferðin virki svona vel enda greinast rúmlega 18 milljónir manna með krabbamein árlega í heiminum. Eitt af hverjum sex dauðsföllum í heiminum er af völdum krabbameins og er þetta næst algengasta dánarorsök fólks á eftir hjarta- og æðasjúkdómum segir í umfjöllun Jerusalem Post.
Í umfjöllun CNBC um málið kemur fram að aðferðin hafi aðeins verið prófuð á mýs fram til þessa og því megi ætla að sex til sjö ár séu í að lyfið verði samþykkt til notkunar enda þurfa að fara fram mjög strangar tilraunir á mönnum áður.
