Á YouTuberás sinni segir Isabella frá sambandi þeirra og þar kemur meðal annars fram að hún hafi orðið barnshafandi eftir að þau höfðu verið saman í nokkrar vikur. Hún segir að henni hafi brugðið mikið við þessi tíðindi og hafi verið óttaslegin við að verða móðir.
En tveimur árum eftir að hún og Joseph kynntust eru þau enn saman og ekki minna ástfangin en í upphafi. Þau játa þó að aldursmunurinn sé eitthvað sem ekki er hægt að horfa framhjá.
„Allir hafa sínar skoðanir en lífið er stutt og þú átt að gera það sem gleður þig.“
Segir Isabella.
Þau kynntust og urðu ástfangin þegar þau unnu saman. Joseph var áður lögreglumaður en þjálfar nú íþróttalið. Isabella er heimavinnandi. Joseph á fjögur börn frá því áður og er Isabella 14 árum yngri en elsta barn hans.
„Það er oft horft á okkur þegar við erum saman á almannafæri. Ókunnugir spyrja Joseph hvort hann sá pabbi minn. Stundum leiðréttum við fólk en stundum látum við bara eins og ég sé dóttir hans.“
Hún segist eiginlega ekki hafa verið svo hrifin af honum í upphafi en þegar hún kynntist honum betur hafi hún áttað sig á að hann var draumaprinsinn.
„Fjölskylda mín hafði áhyggjur af aldursmuninum en þegar þau kynntust okkur sem pari gekk þetta vel. Ég hef misst vini út af þessu. Margir, sem ég þekki, fóru í háskóla en ég valdi að vera móðir. Líf okkar tóku bara mismunandi stefnu.“
Joseph segir að aldur Isabelle hafi aldrei skipt hann máli.
„Þetta snerist meira um persónuleika en aldur. Hún er mjög þroskuð og það er gaman að vera með henni. Margir halda að ég sé með henni af því að hún er mjög myndarleg en það er alls ekki ástæðan. Það eru aðallega miðaldra konur sem eiga erfitt með að samþykkja samband okkar.“
Isabelle segir að þrátt fyrir að hún og Joseph séu mjög hamingjusöm haif hún áhyggjur af framtíðinni.
„Auðvitað hef ég áhyggjur af heilsufari og að hann muni deyja of snemma. En við höfum ekki hugmynd um hvað mun gerast. Við eigum tvær stúlkur saman og reynum að fá það besta út úr lífinu.“
