Hún skýrir frá þessar lífsreynslu sinni á vefnum MamaMia. Þar segir hún að þegar hún var orðin ein í húsinu hafi hún gert það sem allir unglingar geri þegar þeir eru einir heima. Hún fór að gramsa í eigum bróður síns og foreldra. Hjá bróður sínum fann hún klámblöð og peninga en fátt annað markvert.
Í herbergi foreldra sinna fann hún titrara móður sinnar, handbók um fullnægingar kvenna og inni í skáp fann hún stóran stafla af VHS spólum. Í þeirri von að þarna væru klámmyndir ákvað hún að horfa á þær. Ákvörðun sem hún sá fljótlega eftir.
Á fyrstu spólunum voru upptökur af fjölskylduviðburðum og því ekki áhugaverðar að hennar mati. Síðan setti hún spólu í þar sem fyrst sást mynd af sófa og var myndin tekin úr töluverðri fjarlægð. Sófinn virtist þó kunnuglegur en hún hugsaði ekki nánar út í það.
Á sófanum lá nakin kona. Síðan birtist nakinn maður framan við upptökuvélina, hann hafði greinilega verið að stilla upptökuvélina, og gekk að sófanum.
„Síðan hoppaði hann ofan á konuna og þau byrjuðu að stunda kynlíf í trúboðsstellingunni. Þetta var það mest óspennandi kynlíf sem ég hafði séð, og þrátt fyrir að ég hefði ekki mikið til að bera saman við, var ég nokkuð viss um að þetta væru amatörar.“
Það var ekki fyrr en maðurinn stóð upp og gekk í átt að upptökuvélinni með ALLT til sýnis að ég þekkti hann. Þetta var faðir hennar og konan á sófanum var móðir hennar.
„Ég hef aldrei verið svona fljót að slökkva. En það tók samt heila eilífð. Fæturnir voru eins og hlaup, VHS tækið var svo langt í burtu. Ég öskraði NEIIIIIIIIIIIIIIII en það kom bara út með skrækri röddu. Mér tókst að komast að stopp takkanum. En skaðinn var skeður. Lífi mínu var lokið.“
Hún segir að sér hafi tekist að loka á þessa minningu árum saman en hafi að lokum ákveðið að deila henni með bróður sínum til að hann þyrfti líka að „bera þessa byrði“.
Hún segist geta hlegið að þessu í dag en viðurkennir að það hafi verið erfitt að umgangast foreldra sína fyrstu vikurnar á eftir.
