Það má kannski færa rök fyrir því að Pavin Smith sé draumur allra foreldra. Þegar hann var 21 árs gerði hann atvinnumannsamning við lið Arizona Diamondbacks í bandarísku hafnarboltadeildinni. Samningurinn tryggði honum milljónir í laun á ári hverju. Þessi ungi maður ákvað að koma foreldrum sínum á óvart þegar hann fékk útborgað í fyrsta sinn og er óhætt að segja að hann hafi komið þeim í opna skjöldu.

Hann greiddi upp áhvílandi lán á húsi foreldra sinna og eru þau því á grænni grein hvað skuldamál varðar. Á aðfangadag rétti hann foreldrum sínum bréf þar sem hann skýrði frá gjöfinni.

„Takk, fyrir að ala mig upp á dásamlegu heimili umvafinn ást og hlýju. Takk fyrir allt það sem þið hafið gert fyrir mig. Ég vil gjarnan að æskuheimilið verði alltaf okkar.“

Eins og sjá má í myndbandinu hér fyrir neðan kom þetta foreldrum hans algjörlega í opna skjöldu.