Á laugardaginn var Shane O‘Brien handtekinn í Rúmeníu. Hann hafði verið eftirlýstur árum saman af bresku lögreglunni en hann er grunaður um að hafa myrt ungan mann í Bretlandi. Shane var oft að finna á toppi lista eftir eftirlýsta sakamenn.

Hann er 31 árs. Hann situr nú í fangelsi í Rúmeníu og bíður framsals til Bretlands.

Hann er grunaður um að hafa myrt Josh Hanson, 21 árs, með því að stinga hann með hnífi í hnakkann á bar í Hillingdon í Lundúnum 2015. Nafn hans hefur verið á eftirlýsingarlista Interpol síðan og háum peningaverðlaunum var heitið fyrir upplýsingar sem gætu leitt til handtöku hans.

Hann komst frá Bretlandi 2015 með einkaflugvél sem var flogið með hann til Þýskalands. Vitað er að hann hélt sig í Hollandi, Dubai og Tékklandi. Hann fór ekki leynt því hann sást meðal annars í hnefaleikaklúbbum, líkamsræktarstöðvum og næturklúbbum.

Fyrir tveimur árum var hann handtekinn í Prag í Tékklandi. Hann var þá með ítölsk skilríki á sér og var sleppt. Skömmu eftir að hann var látinn laus rann ljós upp fyrir lögreglunni hvern hún hafði verið með í höndunum en um seina, Shane var horfinn á nýjan leik.