fbpx
Fimmtudagur 24.apríl 2025
Pressan

Hryllilegur ofbeldisfaraldur í Birmingham kallar á óvenjulegar aðgerðir

Kristján Kristjánsson
Mánudaginn 4. mars 2019 18:30

Blæðingakassi eins og koma á fyrir víða um borgina.

Ekki missa af Helstu tíðindum dagsins í pósthólfið þitt

Lesa nánar

Hryllilegur ofbeldisfaraldur hefur geisað í Birmingham á Englandi að undanförnu en hnífum er óspart beitt. Á aðeins hálfum mánuði voru þrír unglingar stungnir til bana. Lögreglan segir að „neyðarástand“ ríki í borginni sem er sú næst fjölmennasta á Bretlandseyjum, aðeins í höfuborginni Lundúnum búa fleiri.

Til að bregðast við hnífaofbeldinu er nú verið að koma „blæðingasettum“ fyrir víða í borginni. Þessi blæðingasett eru tilkomin vegna linnulausrar baráttu einnar konu en sonur hennar var stunginn til bana fyrir utan bar í Birmingham fyrir tæplega tveimur árum. Syni hennar, Daniel Baird sem var 26 ára, blæddi út á nokkrum mínútum eftir að ráðist var á hann og hann stunginn utan við bar í Digbeth hverfinu í júlí 2017.

Móðir hans, Lynne, hefur síðan eytt miklum tíma í að reyna að sannfæra yfirvöld um að hin litlu blæðingasett geti orðið til að hægt verði að bjarga lífi þeirra sem verða fyrir hnífsstungum. Sky skýrir frá þessu.

Nú hefur verið staðfest að borgaryfirvöld og sjúkrabílaþjónusta borgarinnar séu að vinna að því að koma blæðingasettum fyrir á völdum stöðum. Í þessum settum eru þrýstibindi, sárabindi og æðaklemmur. Allt er þetta útbúnaður sem getur gagnast við að stöðva miklar blæðingar nægilega lengi eða þar til sjúkraflutningamenn og læknar koma á vettvang.

Blæðingasett sem þessi eru mikið notuð í Bandaríkjunum og þykir mörgum undarlegt hversu langan tíma hefur tekið að fá borgaryfirvöld í Birmingham til að samþykkja uppsetningu þeirra.

Það sem af er ári hefur verið tilkynnt um rúmlega 300 hnífaárásir í Birmingham. Lögreglan hyggst láta meira að sér kveða vegna þessa og ætlar að stöðva mun fleira fólk og leita á því auk þess sem lögreglumönnum á götum úti verður fjölgað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Vardy kveður í sumar
Pressan
Fyrir 2 dögum

Viðtal við tvíburasystur vekur mikla athygli – „Topp 5 besta viðtal allra tíma“

Viðtal við tvíburasystur vekur mikla athygli – „Topp 5 besta viðtal allra tíma“
Pressan
Fyrir 2 dögum

Musk sagður kominn með nóg af pólitíkinni – Þreyttur á árásum vinstrimanna

Musk sagður kominn með nóg af pólitíkinni – Þreyttur á árásum vinstrimanna
Pressan
Fyrir 2 dögum

Fékk 68 milljónir í vasapeninga á mánuði frá tengdamömmu sinni – Vildi meira

Fékk 68 milljónir í vasapeninga á mánuði frá tengdamömmu sinni – Vildi meira
Pressan
Fyrir 2 dögum

Deilurnar um Berlín 1948–1949

Deilurnar um Berlín 1948–1949