fbpx
Fimmtudagur 03.apríl 2025
Pressan

Yfirmaður FBI segir að embættismenn hafi rætt hvernig ætti að koma Donald Trump úr embætti

Kristján Kristjánsson
Föstudaginn 15. febrúar 2019 06:59

Donald Trump er iðinn við að koma sér í vanda.

Ekki missa af Helstu tíðindum dagsins í pósthólfið þitt

Lesa nánar

Andrew McCabe, fyrrum yfirmaður bandarísku alríkislögreglunnar FBI, segir að embættismenn, sem starfa náið með Donald Trump, forseta, hafi rætt möguleikann á að nota grein 25 í stjórnarskránni til að koma Trump úr embætti. Þetta hafi þeir gert nokkrum mánuðum eftir að Trump tók við embætti.

McCabe tók við stöðu yfirmanns FBI í stuttan tíma eftir að Trump rak James Comey úr embætti. McCabe skýrði frá þessu í fréttaskýringaþættinum 60 Minutes. Þar sagði hann að fundir hafi verið haldnir í dómsmálaráðuneytinu um þetta.

Grein 25 í stjórnarskránni heimilar varaforsetanum og meirihluta hæstsettu embættismanna ríkisstjórnarinnar að víkja forsetanum úr embætti ef þeir telja hann ekki færan um að uppfylla skyldur sínar sem forseti.

McCabe sagði að þetta hafi verið rætt af alvöru eftir að Trump rak Comey úr embætti og rannsókn Robert Muellers, sérstaks saksóknara, á tengslum forsetaframboðs Trump við Rússa hófst. Háttsettir aðilar úr dómskerfinu eru sagðir hafa reynt að komast að hversu margir myndu styðja að Trump yrði settur af.

Rod Rosenstein, næstæðsti embættismaður dómsmálaráðuneytisins, er sagður hafa boðist til að bera falinn hljóðnema til að reyna að taka upp ef Trump segði eitthvað sem gæti unnið gegn honum. Rosenstein vísar þessu á bug og segir að umræðan um hljóðnemann hafi verið kaldhæðni. En þessi umræða er samt sögð hafa komið margoft upp og Rosenstein er sagður hafa rætt þessa hugmynd við lögmenn FBI.

Trump er að vonum allt annað en sáttur við frásögn McCabe og sagði á Twitter að McCabe væri hneysa fyrir FBI og Bandaríkin.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Í gær

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 4 dögum

Ný gögn frá NASA benda til að við eigum heima í svartholi

Ný gögn frá NASA benda til að við eigum heima í svartholi