fbpx
Föstudagur 04.apríl 2025
Pressan

Bankastarfsmaður fann glufu í kerfinu og stal milljónum

Kristján Kristjánsson
Þriðjudaginn 12. febrúar 2019 13:36

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Starfsmaður í tölvudeild kínverska Huazia bankans uppgötvaði fyrir rúmlega tveimur árum glufu í öryggiskerfi bankans og nýtti sér hana til að verða sér úti um sem svarar til um 125 milljóna íslenskra króna. Maðurinn var yfirmaður öryggismála í tölvudeildinni og því í góðri aðstöðu til að nýta sér glufuna í kerfinu.

Hann uppgötvaði að það var villa í kerfinu sem gerði að verkum að þegar peningar voru teknir út í hraðbönkum um miðnætti var það ekki skráð í kerfi bankans og því voru þessar úttektir „ókeypis“.

Hann var með aðgang að mörgum „tilraunareikningum“ bankans en þeir eru notaðir til að kanna kerfi hans og stöðu öryggismála. Hann notaði þessa „tilraunareikninga“ til að draga sér fé.

South China Morning Post skýrir frá þessu. Maðurinn tók út 5.000 til 20.000 yuan úr hraðbönkum hverju sinni. Þegar upp komst um þetta í janúar á síðasta ári hafði hann tekið út 7 milljónir yuan en það svarar til um 125 milljóna íslenskra króna. Hluta fésins hafði hann notað til fjárfestinga í hlutabréfum en hluta hafði hann lagt inn á eiginn reikning.

Maðurinn sagði í fyrstu að hann hefði lagt peningana inn á eiginn reikning til að vernda fé bankans á meðan hann kannaði betur þessa villu í öryggiskerfinu. Bankinn tók þessa skýringu hans trúanlega en lögreglan, sem hafði verið látin vita af málinu, var ekki á þeim buxunum að trúa þessu og rannsakaði málið og nýlega var maðurinn dæmdur í rúmlega 10 ára fangelsi. Hann hafði áður endurgreitt megnið af þeim peningum sem hann hafði dregið sér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Í gær

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 2 dögum

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 2 dögum

Leynileg hernaðarskjöl fundust á götu úti í Newcastle

Leynileg hernaðarskjöl fundust á götu úti í Newcastle
Pressan
Fyrir 3 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 3 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Lyklaði bíl frá Teslu og er krafinn um yfir 100 milljónir í bætur

Lyklaði bíl frá Teslu og er krafinn um yfir 100 milljónir í bætur