fbpx
Föstudagur 25.apríl 2025
Pressan

Langar þig að eignast sumarhús? Selja fjölda húsa á 140 krónur

Kristján Kristjánsson
Sunnudaginn 20. janúar 2019 11:30

Etna á Sikiley. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Ertu í sumarhúsahugleiðingum? Langar þig að eignast sumarhús en hefur aldrei látið verða af því? Vex kostnaðurinn þér í augum? Þá er kannski tækifæri þitt til að eignast sumarhús á mjög svo viðráðanlegu verði komið. Nú er verið að selja fjölda húsa á 140 krónur og gildir einfaldlega sú góða regla að fyrstur kemur, fyrstur fær.

Yfirvöld í ítalska bænum Sambuca de Sicilia, sem er á Sikiley, hafa nú sett fjölda húsa til sölu og er verð þeirra aðeins 1 evra en það svarar til um 140 íslenskra króna. Þarna er því hugsanlega gott tækifæri til að eignast hús á suðrænum slóðum og því engin þörf á að kaupa hótelgistingu þegar farið er í sólina.

CNN skýrir frá þessu. Fram kemur að mörg húsanna séu á fjallstoppum og þarafleiðandi fylgir ótrúlegt útsýni yfir þessa fallegu eyju sem er stundum sögð vera stærsta perla Miðjarðarhafsins.

Þetta ótrúlega húsnæðisverð er liður í áætlun yfirvalda um að „endurlífga“ bæinn en hann hefur eins og fleiri bæir á landsbyggðinni glímt við mikla fólksfækkun á undanförnum árum.

Bæjaryfirvöld setja þó eitt lítið skilyrði fyrir kaupum á hverju húsi. Kaupandinn þarf að gera endurbætur á húsinu sínu fyrir 15.000 evrur hið minnsta innan þriggja ára frá kaupum. Kaupendur þurfa einnig að leggja fram 5.000 evrur í tryggingu fyrir að þeir muni hressa upp á húsin. Tryggingin verður endurgreidd þegar endurbótum er lokið. Húsin eru flest 40 til 150 fermetrar og mörg þeirra eru í slæmu ásigkomulagi.

CNN segir að Sambuca di Sicilia sé ekki fyrsti ítalski bærinn sem reynir að laða fólk til sín með svona dúndurtilboði en það er nýjung að nú er hægt að kaupa hús samstundis því bæjarsjóður á öll húsin. Bæjaryfirvöld segja að tilboðið hafi nú þegar vakið athygli um allan heim og útlendingar streymi til hans til að kanna aðstæður.

Áhugasamir geta sent tölvupóst á netfangið case1euro@comune.sambucadisicilia.ag.it til að fá nánari upplýsingar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ritstjórn stórblaðs segir að Trump hafi nú bætt gráu ofan á svörtustu efnahagsmistök síðari ára

Ritstjórn stórblaðs segir að Trump hafi nú bætt gráu ofan á svörtustu efnahagsmistök síðari ára
Pressan
Fyrir 2 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 3 dögum

Sæðisrugl – Eignuðust 25-75 börn vegna skorts á reglum

Sæðisrugl – Eignuðust 25-75 börn vegna skorts á reglum
Pressan
Fyrir 3 dögum

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 5 dögum

Hver voru fórnarlömb Gilgo Beach morðingjans? – Þetta eru konurnar 7 sem Rex Heuermann er ákærður fyrir að hafa myrt

Hver voru fórnarlömb Gilgo Beach morðingjans? – Þetta eru konurnar 7 sem Rex Heuermann er ákærður fyrir að hafa myrt
Pressan
Fyrir 5 dögum

1968 ár stórra atburða: Stúdentauppreisn, geimferðir, stríð og morð

1968 ár stórra atburða: Stúdentauppreisn, geimferðir, stríð og morð