fbpx
Miðvikudagur 02.apríl 2025
Pressan

Netflix beygir sig í duftið fyrir Sádi-Arabíu – Fjarlægir þátt eftir kvörtun Sáda

Kristján Kristjánsson
Miðvikudaginn 2. janúar 2019 07:03

Ekki missa af Helstu tíðindum dagsins í pósthólfið þitt

Lesa nánar

Efnisveitan Netflix hefur beygt sig í duftið fyrir stjórnvöldum í Sádi-Arabíu eftir að þau kvörtuðu yfir gamanþætti þar sem Sádi-Arabía er til umfjöllunar og sætir gagnrýni. Stjórnvöld í Sádi-Arabíu telja að ákveðinn þáttur í gamanþáttaröðinni ´Patriot Act´ með Hasan Minhaj „brjóti gegn lögum konungsríkisins um netglæpi“.

Nafnið ´Patriot Act´ vísar til samnefndra laga í Bandaríkjunum en þau voru sett í kjölfar hryðjuverkaárásanna á landið í september 2001. Lögin veita leyniþjónustum landsins nánast frjálsar hendur um hvað sem er.

Þættir Hasan Minhaj voru frumsýndir í október. Í umræddum þætti tekur Minhaj, sem er múslimi fæddur í Bandaríkjunum, stjórnvöld í Sádi-Arabíu fyrir eftir morðið á blaðamanninum Jamal Khashoggi. Gagnrýnin beinist sérstaklega að krónprinsinum Mohammed bin Salman sem er af mörgum talinn maðurinn á bak við morðið.

The Financial Times skýrir frá þessu. Blaðið segir að ákvörðun Netflix um að láta undan kröfum Sáda veki upp spurningar um hvar mörk tjáningarfrelsis á netinu liggi. Karen Attiah, ritstjóri Khashoggi hjá The Washington Post, segir þessa ákvörðun Netflix „hneyksli“.

Í tilkynningu frá Netflix kemur fram að efnisveitan styðji „heilshugar listrænt frelsi um allan heim“ en að þátturinn hafi verið tekinn úr sýningu vegna „gildrar beiðni sem er byggð á lagalegum grunni“. Ekki er lengur hægt að horfa á þáttinn í Sádi-Arabíu en hann er aðgengilegur í öðrum löndum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ný rannsókn – Erfðir skipta meira máli en það sem þú borðar

Ný rannsókn – Erfðir skipta meira máli en það sem þú borðar
Pressan
Fyrir 2 dögum

Hversu oft á að skipta á rúminu?

Hversu oft á að skipta á rúminu?
Pressan
Fyrir 3 dögum

Gera 500 götur í París að göngugötum

Gera 500 götur í París að göngugötum
Pressan
Fyrir 3 dögum

Þetta þénuðu geimfararnir sem sátu fastir í geimnum í 9 mánuði

Þetta þénuðu geimfararnir sem sátu fastir í geimnum í 9 mánuði
Pressan
Fyrir 4 dögum

Barnið sagði að það væri skrímsli undir rúminu – Barnapían fékk áfall þegar hún kíkti sjálf

Barnið sagði að það væri skrímsli undir rúminu – Barnapían fékk áfall þegar hún kíkti sjálf
Pressan
Fyrir 4 dögum

Busavígsla fór úr böndunun: „Við viljum ekki tala um það sem gerðist fyrir framan hann“

Busavígsla fór úr böndunun: „Við viljum ekki tala um það sem gerðist fyrir framan hann“