fbpx
Fimmtudagur 06.mars 2025
Pressan

InSight lenti heilu og höldnu á Mars – Fyrsta myndin er komin

Kristján Kristjánsson
Þriðjudaginn 27. nóvember 2018 04:53

Fyrsta myndin frá InSight. Mynd:NASA

Ekki missa af Helstu tíðindum dagsins í pósthólfið þitt

Lesa nánar

Á áttunda tímanum í gærkvöldi, að íslenskum tíma, bárust boð frá InSight geimfari bandarísku geimferðastofnunarinnar NASA til höfuðstöðvanna á jörðu niðri um að geimfarið væri lent heilu og höldnu. Einnig sendi geimfarið mynd til jarðar. Óhætt er að segja að mikill fögnuður hafi gripið um sig í höfuðstöðvum NASA og líklegast víðar við þessi tíðindi. Ferðin var áhættusöm frá upphafi til enda en geimfarinu var skotið á loft fyrir rúmlega hálfu ári síðan. Það lagði miklar vegalengdir að baki og þurfti að þola allt að 1.500 gráðu hita áður en það lenti mjúklega á Rauðu plánetunni.

Fram að lendingu InSight höfðu tæplega 60 prósent lendinga á Mars misheppnast. Árangur NASA var þó betri því átta af þeim níu geimförum sem stofnunin hafði sent til Mars höfðu lent heilu og höldnu. Í lendingarferlinu hafði InSight sex mínútur til að hægja á sér úr um 19.800 km/klst niður í um 8 km/klst. Allt var þetta tölvustýrt en tölva geimfarsins var forrituð til að sjá um þetta.

Nú er beðið eftir því að ryk, sem þyrlaðist upp við lendinguna, setjist svo geimfarið geti hafið störf. Það er sólarknúið og ætti því að hafa næga orku til að sinna þeim rannsóknum sem því er ætlað að sinna. Hjá NASA gátu menn þó ekki beðið eftir því að rykið settist alveg og létu InSight taka meðfylgjandi mynd skömmu eftir lendinguna. Á henni má sjá sjóndeildarhring Mars en ryk setur svip sinn á myndina.

Teikning listamanns af InSight á Mars. Mynd:NASA

Næsta verkefni NASA varðandi Mars er langt komið en 2020 á nýr Marsbíll að lenda á uppþornuðum hafsbotni á plánetunni til að leita að örverum, lifandi eða dauðum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Vangaveltur um heilsufar Trumps út af stórum marbletti á hönd hans

Vangaveltur um heilsufar Trumps út af stórum marbletti á hönd hans
Pressan
Fyrir 2 dögum

Vita hver birti svakalegt myndband af Trump og Musk – Hefur afleiðingar fyrir viðkomandi

Vita hver birti svakalegt myndband af Trump og Musk – Hefur afleiðingar fyrir viðkomandi
Pressan
Fyrir 3 dögum

Þetta hatar kötturinn þinn að þú gerir

Þetta hatar kötturinn þinn að þú gerir
Pressan
Fyrir 3 dögum

Fær bætur vegna þess að kvikmyndahús „sóaði tíma hans“ með því að sýna auglýsingar á undan kvikmyndinni

Fær bætur vegna þess að kvikmyndahús „sóaði tíma hans“ með því að sýna auglýsingar á undan kvikmyndinni
Pressan
Fyrir 4 dögum

Frábær aðferð til að þrífa ofnskúffur og grindur

Frábær aðferð til að þrífa ofnskúffur og grindur
Pressan
Fyrir 5 dögum

Þess vegna er gott að borða haframjöl daglega

Þess vegna er gott að borða haframjöl daglega