fbpx
Laugardagur 29.mars 2025
Pressan

Tyrkir eru sagðir vera með hljóð- og myndbandsupptökur af morðinu á blaðamanninum Jamal Khashoggi

Kristján Kristjánsson
Föstudaginn 12. október 2018 04:22

Jamal Khashoggi.

Ekki missa af Helstu tíðindum dagsins í pósthólfið þitt

Lesa nánar

Tyrknesk yfirvöld eru sögð vera með hljóð- og myndbandsupptökur undir höndum sem staðfesta að sádíarabíski blaðamaðurinn Jamal Khashoggi hafi verið myrtur inni á ræðismannsskrifstofu Sádí-Arabíu í Istanbúl.

The Washington Post skýrir frá þessu og hefur eftir ónafngreindum embættismönnum í Tyrklandi. Blaðið segir að tyrknesk stjórnvöld hafi skýrt bandarískum stjórnvöldum frá þessu. Einn af heimildarmönnum blaðsins segir að á hljóðupptökunum heyrist „hvað kom fyrir Jamal eftir að hann fór þarna inn“.

„Maður heyrir rödd hans og raddir sem tala arabísku. Maður heyrir að hann er yfirheyrður, pyntaður og síðan drepinn.“

Hefur blaðið eftir einum heimildarmanna sinna.

Annar heimildarmaður segir að á upptökunum heyrist þegar Khashoggi er misþyrmt.

Khashoggi var gagnrýninn á stjórnarhætti í Sádí-Arabíu og hafði undanfarið dvalist í sjálfskipaðri útlegð í Bandaríkjunum. Hann fór inn á ræðismannsskrifstofu Sádí-Arabíu í Istanbúl á þriðjudag í síðustu viku til að sækja skjöl vegna fyrirhugaðs brúðkaups hans. Hann hefur ekki sést síðan.

Tyrknesk yfirvöld voru fljót til og sögðu að Khashoggi hefði verið myrtur inni á ræðismannsskrifstofunni og lík hans síðan flutt á brott. Þessu vísa Sádí-Arabar á bug. Þeir hafa ekki viljað afhenda upptökur úr eftirlitsmyndavélum sem staðfesta frásögn þeirra um að Khashoggi hafi yfirgefið sendiráðið.

Ef rétt reynist að Tyrkir séu með fyrrgreindar upptökur undir höndum getur það skýrt af hverju þeir voru svo fljótir til að fullyrða að Khashoggi hefði verið myrtur inni á ræðismannsskrifstofunni. Þetta setur þá þó í ákveðna klemmu því upptökurnar eru þá um leið sönnun þess að Tyrkir njósna um útsendara erlendra ríkja í landinu og hvernig þeir gera það.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Voru að leita að stolnum köplum – Gengu inn í sannkallað hryllingshús

Voru að leita að stolnum köplum – Gengu inn í sannkallað hryllingshús
Pressan
Í gær

Norðmaður kvartar eftir að ChatGPT hélt því fram að hann hefði myrt börnin sín

Norðmaður kvartar eftir að ChatGPT hélt því fram að hann hefði myrt börnin sín
Pressan
Fyrir 3 dögum

Kennslukona ákærð fyrir ofbeldi – Misnotaði 13 ára drengi kynferðislega

Kennslukona ákærð fyrir ofbeldi – Misnotaði 13 ára drengi kynferðislega
Pressan
Fyrir 3 dögum

Fær 2,1 milljarð dollara í bætur – Fékk krabbamein af völdum illgresiseyðis

Fær 2,1 milljarð dollara í bætur – Fékk krabbamein af völdum illgresiseyðis
Pressan
Fyrir 3 dögum

Myndband af furðulegu háttarlagi Musk í matarboði hjá Trump vekur athygli – „Elon, hvað í fjandanum ertu að gera?“

Myndband af furðulegu háttarlagi Musk í matarboði hjá Trump vekur athygli – „Elon, hvað í fjandanum ertu að gera?“
Pressan
Fyrir 4 dögum

Spjótin beinast að þjóðaröryggisráðgjafanum eftir ævintýralegt klúður með hernaðarleyndarmál – „Mike Waltz er fokking ingjaldsfífl“

Spjótin beinast að þjóðaröryggisráðgjafanum eftir ævintýralegt klúður með hernaðarleyndarmál – „Mike Waltz er fokking ingjaldsfífl“