Risastórir loftsteinar og halastjörnur eru ekki eitthvað sem er gaman að fá nærri jörðinni okkar enda gæti árekstur við slíkan hlut haft hræðilegar afleiðingar. En fáir eða nokkrir loftsteinar eða halastjörnur eru jafn hræðilegar og loftsteinninn 2015 TB145 sem hefur verið nefndur Hrekkjavöku loftsteinninn vegna sérstakrar lögunar hans en hann minnir helst á hauskúpu.

Síðast fór lofsteinninn framhjá jörðinni 31. október 2015 og var þá í um 490.000 km fjarlægð. Hann þýtur næst framhjá okkur rétt eftir hrekkjavökuna nú í nóvember en verður mun fjær jörðinni að þessu sinni svo við þurfum ekki að óttast hann. Það er eiginlega bara skemmtileg tilviljun að hann fari svo nærri jörðinni á svipuðum tíma og hrekkjavökunni er fagnað víða um heim enda útlit hans töluvert „hrekkjavökulegt“.

Talið er að loftsteinninn sé fyrrum halastjarna sem hafi með tímanum breyst og orðið að loftsteini á braut sinni um sólina en hann hefur verið á þeirri braut í milljónir ára. Hann er talinn vera um 625 til 700 metrar í þvermáli.