Kristján Jónsson einkaþjálfari og heilsuráðgjafi hefur leiðbeint einstaklingum í líkamsrækt í fjölda ára. Síðustu 14 ár hefur hann þjálfað í Sporthúsinu, þar sem hann býður upp á einka- og hópaþjálfun, einnig býður hann upp á fjarþjálfun í gegnum heimasíðuna thjalfun.is
„Fjárþjálfun virkar þannig að viðkomandi getur æft hvar og hvenær sem er,“ segir Kristján, en hann hefur boðið upp á hana í 2-3 ár með góðum viðtökum, „viðkomandi er ekki bundinn af að hitta þjálfara á ákveðnum tímum og er það kostur við fjarþjálfunina.“
„Viðskiptavinir sem velja fjarþjálfun geta valið að fá mælingu eða ekki, ef mæling er valin þá hitti ég viðkomandi í byrjun þjálfunar og svo einu sinni í mánuði í mælingu. Ég fer líka yfir hvernig appið virkar fyrir viðskiptavininn, þannig að hann er með alveg á hreinu hvað hann á að gera.“
Allir viðskiptavinir sem velja fjarþjálfun hjá Kristjáni fá aðgang að appi, sem er einfalt í notkun og virkar bæði fyrir Android og iPhone, ítarlegt matarplan og leiðbeiningar og stuðning í gegnum netið í formi tölvupóstsamskipta. Viðskiptavinir senda einnig matardagbók til Kristjáns sem fer yfir hana og hefur síðan góð ráð og leiðbeiningar um hvað má betur fara.
En af hverju telur hann að fólk velji frekar fjarþjálfun en að mæta í tíma til einkaþjálfara? „Fólk getur æft á eigin tíma hvar sem er og þetta er ódýrari kostur við að halda sér í formi frekar en vera hjá þjálfara.“
Kristján hefur sjálfur verið viðriðinn líkamsrækt í 25 ár, keppti í líkamsrækt og kraftlyftingum áður en hann hóf að þjálfa. Árangur hans leiddi til þess að fólk fór að leita til hans og biðja hann um að sýna hvernig hann æfði, „síðan vatt þetta upp á sig og ég fór að hitta fólk 2-3 í viku, áður en ég byrjaði að þjálfa af fullum krafti.“
Kristján útbýr einnig æfingaplön fyrir einstaklinga sem kjósa að æfa heima. „Sumt fólk sem hefur ekki möguleika eða löngun til að æfa í æfingastöð, geri ég líka æfingaplön sem eru uppbyggð með eða án lóða, fer eftir hvað hver og einn á af lóðum og áhöldum af nota.“Öll æfingaplön eru sérsniðin fyrir hvern og einn, það er ekki sama fyrir alla, enda einstaklingar ólíkir með ólík markmið.
„Ég legg áherslu á að þjálfa fólk til heilbrigðis, bæði líkamlega, andlega og næringarlega séð, svo ég hugsa mikið um að þjálfunin sé heilsusamleg og uppbyggileg til framtíðar,“ segir Kristján.
Allar upplýsingar um fjarþjálfunina og hvernig á að skrá sig er að finna á heimasíðunni.
„Ég hef verið rosalega ánægður með þann árangur sem ég hef séð síðan ég byrjaði í fjarþjálfun hjá Kristjáni.Á aðeins 5 mánuðum hefur mér tekist að ná mínu besta hlaupaþoli til þessa, auka vöðvamassa um 5 kg og lækka fituprósentu um 5%. Kristján hefur séð til þess að æfingakerfin séu sérsniðin að mínum markmiðum og það er óhætt að segja að ég er í mínu besta formi í dag!“
-Örn Erlendsson
„Fjarþjálfun hjá Stjána hefur reynst mjög vel. Ég hef aldrei enst jafn lengi í þjálfun og sé ekki fram á að fara nokkurn tímann aftur í gamla farið. Æfingarnar eru fjölbreyttar og skemmtilegar og taka vel á. Á sama tíma eru gerðar raunhæfar kröfur sem hægt er að standast. Engar öfgar heldur heilbrigð leið með breyttum lífsstíl og nýju viðhorfi. Árangurinn hefur ekki látið á sér standa og ég sé mun í hverjum mánuði.“
-Katla Lovísa
„Kristján er jákvæður og hvetjandi þjálfari sem hefur metnað fyrir því að skjólstæðingar hans nái árangri. Ég fór mjög fljótlega að finna mun á úthaldi og styrk og fjarþjálfunin hjálpaði mér að komast í betri rútínu í ræktinni.“
– Einar Logi Erlendsson
