Hard Rock veitingahúsakeðjan heldur reglulega World Burger Tour þar sem Hard Rock keðjur í hverju ríki senda inn hamborgara og keppa um besta borgarann og hefur keppnin staðið yfir í allt sumar. Alls tóku rúmlega 150 Hard Rock staðir víðs vegar um heiminn þátt og sendu inn hamborgara í keppnina. Hard Rock Cafe Reykjavík bauð upp á Rokk Rækjuborgarann, eins og kemur fram í tilkynningu.

Þeir fimm borgarar sem seldust hlutfallslega best fóru á matseðil út um allan heim og kepptu um fyrsta sætið. Pittsburgh borgarinn var lang vinsælastur og vann keppnina með yfirburðum.

Arthur Pétursson, betur þekktur sem Túri en hann er yfirkokkur á Hard Rock Café í Reykjavík segir það hafa verið mjög skemmtilegt að geta boðið upp á þessa borgara í sumar.

Pittsburgh borgarinn verður áfram í sölu út september þannig að þennan mánuð er síðasti séns að smakka þennan goðsagnakennda borgara. Pittsburgh samanstendur af 2 smass hamborgarabuffum, Legendary sósu, reyktu beikoni, súrum gúrkum, bjór-ostasósu, viskí-beikonsultu, amerískum osti og frönskum á milli.

Túri segir að allir fimm borgararnir hafi selst mjög vel en að Pittsburgh borgarinn hafi verið langvinsælastur þeirra: „Borgarinn er mjög bragðgóður og akkúrat það sem maður myndi búast við að kæmi frá Kananum. Það fer ekki á milli mála að þetta er ameríski borgarinn í keppninni. Hann verður í boði hjá okkur núna út september svo fyrir þá sem eiga eftir að smakka er það bara að drífa sig,“ segir hann.

Túri hefur verið viðloðinn Hard Rock Cafe mjög lengi og byrjaði með Tómasi Tómassyni á Hard Rock Cafe þegar staðurinn var í Kringlunni á sínum tíma. Hann hefur unnið síðstliðin 20 ár á Hard Rock stöðum víða um heim.