Bandaríska heimilisgyðjan Martha Stewart lætur sér fátt óviðkomandi þegar kemur að rekstri heimilisins, matarinnkaup eru þar með talin. Nýlega spurði hún fjölmarga fylgjendur sína á samfélagsmiðlum: „Siðaregluspurning: Hvað vilt þú að aðrir geri eða geri ekki í matvöruversluninni?
Um 1400 athugasemdir voru skrifaðar við færsluna og nú hefur Stewart birt lista yfir 10 siðareglur sem við ættum flest að fylgja þegar við förum að versla í matinn. Lestu yfir dæmin hér fyrir neðan, hversu mörg þeirra kannast þú við?
Hér eins og annars staðar er rétt að sýna öðrum almenna kurteisi.
Allt frá kerrum sem er illa lagt til hlaupandi barna þá eru þetta aðstæður sem geta orðið til að stífla verslunarganga og trufla aðra kaupendur.
Aðstæður: Sumar fjölskyldur fara saman í matarinnkaupin, sem er góð hugmynd þar sem allir fá að koma að þeirri eilífu ákvörðun um hvað eigi að vera í kvöldmat, versla nesti, drykki og svo framvegis. En að taka allan barnaskarann með og sleppa honum svo lausum í búðinni er ekki góð hugmynd, og kallar á skemmdar vörur, læti og truflun fyrir aðra.
Lausn: Hafðu taumhald á börnunum og hafðu í huga að aðrir kaupendur eru líka að reyna að komast um verslunina.
Aðstæður: Þegar þú leggur kerrunni þinni í miðjum gangi eða við hliðina á vörustandi þá blokkar það umferð annarra viðskiptavina. og skapar stórmarkaðsútgáfu af töfrandi umferð. Og það sem er enn meira pirrandi, þegar þú skilur kerruna eftir þannig að aðrir viðskiptavinir þurfa að smeygja sér framhjá henni.
Lausn: Færðu kerruna til hægri eða vinstri á ganginum, eins og þú værir að leggja bíl.
Aðstæður: Sama og með kerruna, ekki standa kyrr í lengri tíma í miðjum ganginum, til dæmis í hrókasamræðum við vin, það kemur í veg fyrir að aðrir viðskiptavinir komist með kerruna sína um ganginn.
Lausn: Sama og með kerruna, stattu til hliðar í ganginum.
Eru ekki allir með það á hreinu að reyna að halda matarinnkaupum hreinum og öruggum?
Aðstæður: Ekki koma með gæludýrið þitt inn í búðina, nema það sé þjónustudýr. Matvörukerran er ætluð fyrir varning, ekki loðna vini mannsins. Slef og úrgangur dýra er ekki góð blanda við matvöru.
Lausn: Skildu gæludýrið eftir heima eða í bílnum meðan þú sinnir matarinnkaupunum.
Aðstæður: Sumir viðskiptavinir virðast líta svo á matvaran sé ókeypis, allt frá því að grípa sælgæti úr nammibarnum, raða upp í sig vínberjum eða opna box með matvöru. Að mati Stewart er þetta argasti dónaskapur, og einnig sóðalegt og óhollt.
Lausn: Varstu löngunina til að narta, nema verslunin sé að bjóða upp á smakk. Ekki fara svangur í búðina.
Aðstæður: Hér eins og annars staðar þar sem fólk kemur saman ætti að varast að baða sig úr ilmvatni eða rakpíra.
Lausn: Muna að minna er betra en meira.
Aðstæður: Stundum áttarðu þig á því í miðri búðinni að þig vantaði ekki egg og beikon, eða þú hefur ekki tíma til að elda steikina og vilt hætta við að versla viðkomandi vöru. Besta lausnin er að skila vörunni aftur á sinn stað, en í fullri verslun er það stundum vandasamt. Ekki skilja ferskvöru eða frystivöru eftir í snyrtivörudeildinni eða öfugt.
Lausn: Ef þú ræður ekki við að skila vöru aftur á sinn stað réttu hana einfaldlega starfsmanni á kassa og segðu að þú ætlir ekki að kaupa viðkomandi vöru.
Vertu ábyrgur kaupandi og taktu tillit til annarra þegar þú ert í búðinni.
Staða: Það er tími og staður fyrir símtöl, og sérstaklega símtöl á hátalara. Það nennir enginn í búðinni að hlusta á persónuleg símtöl þín.
Lausn: Í stað þess að varpa persónulegu spjalli þínu yfir aðra, slepptu því einfaldlega að hringja eða svara, og hringdu símtalið þegar þú ert kominn út úr búðinni.
Aðstæður: Að mæta með fulla körfu á hraðkassa er einfaldlega dónaskapur.
Lausn: Ef þú ert allt í einu á hraðferð þegar kemur að kassanum þá er spurning um að versla á tíma sem minna er að gera í búðinni eða sleppa því að spjalla við kunningja í búðinni. Sjálfsafgreiðslukassinn er líklega lausnin líka fyrir þig.
Aðstæður: Stundum er nánast ómögulegt að komast um nema þurfa að teygja sig framhjá öðrum kaupanda. Þá er lag að rifja upp orðin afsakið og takk fyrir.
Lausn: Æfingin skapar meistarann. Þessi fáu kurteisisorð fara langt í að sýna öðrum almenna kurteisi og þú gætir jafnvel fengið bros eða vinsamleg orð tilbaka.
