Nú styttist óðum í súkkulaði hátíðina góðu, páskana og þá er lag að byrja að vera með uppskriftir sem eiga vel við um páskahátíðina. Lakkrís er líka afar vinsæll hér á landi og alls konar súkkulaði með lakkrís. Hér er ein fullkomin uppskrift fyrir súkkulaði og lakkrís aðdáendur sem er dásamlega góð. Sú sem á þessa dásamlegu ljúffengu uppskrift af heimsins bestu lakkrískubbum með döðlum er engin önnur en Berglind Guðmundsdóttir köku- og matarbloggari hjá Gulur, rauður, grænn & salt. Berglind er þekkt fyrir að töfrar fram sælkera kökur og kræsingar sem fáir geta staðist og það má með sanni segja um þessa lakkrískubba. Berglindi er margt til lista lagt og leggur hún mikla áherslu að matur eigi að vera góður fyrir sálina og gleðja okkur.

Lakkrískubbar
500 g döðlur saxaðar smátt
250 g smjör
120 g púðursykur
5-6 bollar Rice Krispies
400 g rjómasúkkulaði
2 pokar lakkrískurl

Döðlur og smjör brætt saman í potti. Púðursykurinn er bræddur með þangað til döðlurnar eru orðnar mjúkar. Blandið Rice Krispies og lakkrískurli saman við og setjið í form í frysti í 10 mínútur. Bræðið súkkulaðið yfir vatnsbaði. Hellið yfir rice crispiesblönduna og frystið í u.þ.b. 30 mínútur. Skerið í bita og berið fram á fallegan hátt og njótið.

Gaman að bera fallega fram, til dæmis á háum kökudiski og leyfa bitunum að njóta sín til fulls og skreyta með ferskum blómum.

*Allt hráefnið fæst í Bónus