Hin glæsilega og sívinsæla matarhátíð Food & Fun hófst formlega í gær og mikið var um dýrðir á þeim 10 veitingastöðum sem taka þátt. Fjöldi þekktra gestakokka sem við getum sagt að séu stjörnur á sínu sviði eru mættur hingað til lands til að vinna með íslenskt hráefni með sinni útfærslu og hefðum í bland við sitt hráefni og töfra fram sælkeramáltíð.
Matarhátíðin og gleðin sem henni fylgir stendur fram á laugardaginn næstkomandi. Nú er lag fyrir þá sem hafa áhuga á matargerð, matgæðinga og gleðigjafa að heimsækja þessa frábæru veitingastaði og njóta þess sem í boði er. Matur er mannsins megin og má með sanni segja að það ekkert meira spennandi fyrir þá sem hafa áhuga á mat að prófa nýja rétti sem gleðja bæði auga og munn. Matur og munúð er í forgrunni og nú er lag að styðja hátíðina og íslenska veitingastaði sem hafa haldið íslenskri matarmenningu á lofti í áranna rás.
Laugardagsgleði Food & Fun á Pósthúsinu Food Hall & Bar
Gaman er að geta þess að að haldin verður laugardagsgleði Food & Fun og Pósthús Food Hall & Bar laugardaginn 4. mars þar sem slegið verður upp matarveislu á Pósthús Food Hall & Bar frá klukkan 12.00 til 15.00. Erlendu gestakokkarnir á Food & Fun verða á svæðinu og sérstakir Food & Fun réttir verða á matseðlum veitingastaða Pósthússins. Gestum og gangandi verður boðið upp á vínsmakk og góðgæti verður í boði. Það verður því mikið um dýrðir á laugardaginn í Pósthúsinu.
Hér má sjá lista yfir þá veitingastaðina sem taka þátt og gestakokkana sem þar eru mættir til leiks.
Allar borðabókanir fara fram í gegnum Dineout.
Apótek Kitchen
Matteo Cameli er eins ítalskur og þeir gerast. Í smábænum Portico di Romagna, rekur hann, ásamt fjölskyldu sinni, veitingastaðinn Al Vecchio Convento þar sem höfuðáhersla er á klassíska ítalska matargerð og hráefni úr nærumhverfinu. Eftir að hafa unnið á nokkrum af bestu veitingastöðum Skandinavíu, m.a. Noma og Frantzén, sneri Matteo aftur á heimaslóðirnar með nýstárlegar aðferðir og tækni sem blandar saman því besta úr ítalskri matargerð og innblástri frá Michelin stjörnu eldhúsunum sem hann starfaði á.
Food & Fun 2023 matseðill:
Kýr tartare Kjöt af 6 ára gamalli mjólkurkú „dry aged“ í 35 daga, parmesan krem, „aged“ balsamik, svartar trufflur
Túnfiskur með hot XO-sósu, grasker, hrogn
Andabringa í espresso og límónusósu, jarðskokkar, ber
Fyllt tagliatelle – Þorskur, aspas, pecorino-sósa
Grillað dádýrafille – Rossini-sósa, gerjaður hafþyrnir, brokkólíní
Parmesan-ís – jarðaberja-rommsósa, espresso, vanilluolía.
Brút
Jesper Krabbe er góðkunningi Food & Fun hátíðarinnar en þetta er þriðja sinn sem hann tekur þátt. Hann kom tvisvar sem aðstoðarkokkur Paul Cunningham af Henne Kirkeby Krå, og einu sinni á eigin vegum og stóð uppi sem Food & Fun kokkur ársins þá. Matseldin hans Jespers er létt og nútímaleg, þar sem einfaldleikinn ræður för, og mikið er lagt upp úr gæðahráefni úr nærumhverfi og kraftmiklum bragðsamsetningum.
Food & Fun 2023 matseðill:
Hörpuskel, brúnað smjör og gerjaður hvítlaukur
Grafinn Karfi, Hindberja vinagrett og sjávargras
Steiktur hlýri, kavíar smjörsósa, vatnakarsi
Skötuselur, Kimchi, brennd sítróna ásamt kartöflumús með kryddjurta smjöri
Food ´n fun eftirréttur Gulla Arnars.
Duck and Rose
Jesse Miller er yfirkokkur á nýopnaða veitingastaðnum Pennyroyal Station í Mt. Ranier hverfi Washington D.C. Bakgrunnur hans er í listageiranum þar sem hann var á góðri leið að verða atvinnulistmálari þegar ástríðan á mat og lífið í eldhúsinu dró hann til sín. Síðan þá hefur listamaðurinn í honum fengið útrás í eldhúsinu þar sem hann var m.a. á bakvið hinn geysivinsæla veitingastað Bar Pilar í Washington D.C. Matreiðsla Jesse á Bar Pilar sækir innblástur frá nærliggjandi sveitum og birgjum með áherslu á ferska, árstíða- og staðbundna vöru. Réttirnir eru einfaldir en jafnframt ævintýralegir og breytast í takt við framboðið hverju sinni, sem er einmitt hluti af ævintýrinu.
Food & Fun 2023 matseðill:
Kjúklingalifrar mús með stökku kjúklingaskinni og sýrðum skalotlauk á brioche brauði
Stracciatella með bottarga, ferskjum, marineruðum tómat, myntu & fennel salsa verde ásamt súrdeigsbrauði.
Cacio e Pepe með svörtum trufflum & fennel salsiccia pylsu
Kálfa ribeye, beinmergur, kremaðir sveppir & swiss chard
Ólífu olíu kaka með kardimommuís, marineruðum & þurrkuðum jarðarberjum og pistasíu kexi.
Eiríksson Brasserie
Amandine Chaignot er sannkölluð drottning í franskri matarmenningu. Matur var stór partur í uppeldi hennar þar sem ávalt var lögð áhersla á að fjölskyldan settist niður við stórt viðarborð og snæddi saman, og matarástin því orðin sterk frá unga aldri. Matreiðslu Amandine er oft erfitt að lýsa, þó rætur hennar séu án efa sannarlega í Frakklandi. Réttir hennar bera oft keim af hvatvísi hennar og einlægni, en taka mið af hvaða umhverfi hún er í hverju sinni.
Food & Fun 2023 matseðill:
Kiwi, rósakál, piparrót og bleikjuhrogn
Klausturbleikja, pera, hnúðkál og dill
Lambahryggur, ferskar kryddjurtir, ansjósur, kartöflu „ragout“ og ferskar trufflur
Mjúkur Mascarpone ostur, vanilla og kaffi.
Fiskmarkaðurinn
Victor Planas gæti verið mörgum sólarþyrstum Íslendingur kunnugur, en hann er yfirkokkur og einn eigenda á einum besta veitingastað Tenerife, Kensei Contemporary Japanese á Hotel Bahía del Duque. Á Kensei fá gestir að njóta sérfræðikunnáttu Victor á japanskri matargerð í bland við sköpunargáfu innblásinni úr nærumhverfinu. Victor leggur mikla áherslu á að nota eingöngu besta hráefni sem völ er á þegar kemur að því að skapa rétti sem heiðra bæði hefðbundna og nýstárlega japanska matreiðslu.
Food & Fun 2023 matseðill:
Hrísgrjónakökur með laxa tartar, yuzu kosho Hollandaise sósu og steiktu eggi
Hörpuskel og japanskir sveppir – Soðið í krydduðu brúnuðu smjöri og sojasósu
Blandað sushi
Túnfiskur með kavíar
Bleikju tataki og foie gras
Hörpuskel og ígulker nigiri
Poppkorn panko kóngarækju uramaki
Robatayaki miso maríneraður lax
Lambaskanki með balsamic teriyaki sósu og nípumauki
Sígildir Okinawa kleinuhringir, súkkulaði og jarðarber.
Fröken Reykjavík
Claus Henriksen sló eftirminnilega í gegn sem gestakokkur Dill í Norræna Húsinu á Food & Fun árið 2009. Claus hefur á sinn einstaka hátt náð að fullkomna tæknina við að sameina hefðbundna matreiðslu með framúrstefnulegu bragði, og hafa veitingastaðir undir hans stjórn dregið til sína fjölda viðurkenninga í gegnum tíðina. Hans nýjasta og núverandi verkefni er veitingastaðurinn MOTA í útjaðri Kaupmannahafnar, en sá staður fékk hina eftirsóttu Michelin stjörnu árið 2022 eftir að hafa einungis opnað 8 mánuðum áður. Nýverið var MOTA valinn veitingastaður ársins í Danmörku af hinu virta danska tímariti “Den Danske Spiseguide”.
Food & Fun matseðill 2023:
Hörpuskel, sýrður blómkálsþari
Kremuð krabbasúpa
Þorskur, jarðskokkar, reykt þorskhrogn
Tindaskata, gerjuð seljurót, kóngasveppur
Bakað hvítt súkkulaði, andafita, epla og ostrukrap, sjókarmella.
Héðinn Kitchen & Bar
Matthew North er yfirkokkur og heilinn á bak við hinn vinsæla veitingastað Hyde í miðborg Osló. Hyde fann sér samastað í húsnæði sem áður fyrr hýsti hinn sögufræga Pjoltergeist, en það má að vissu leyti segja að Hyde hafi runnið undan rifjum forrennara síns. Matthew vann einmitt lengi vel á Pjoltergeist undir leiðsögn Atla Más Yngvasonar, en þar fínpússaði hann hæfileika sína í eldhúsinu og í dag ber matreiðsla hans mikinn keim af umami, salti, fitu og kryddum sem dansa saman við háværa tónlistina á Hyde og skilja gesti eftir uppnumda og hungraða í meir. Árið 2022 hreppti Hyde sína fyrstu Michelin stjörnu og undir handleiðslu Matthew má reikna fastlega með fleiri viðurkenningum á næstu árum.
Food & Fun matseðill 2023:
Hörpuskel, söltuð næpa, sítruskoshu, hörpuskelshrogn og græn kardimommusósa
Pomme Anna, harðfiskur, nautafita, reykt græn piparkorn
Þorskur, kremað rósmarín, sólblómafræ og wasabi lauf, lárviðarlauf og kóríanderfræ sósa
Grillað lambakjöt, grillað hvítkál, lambafitu salsa verde, svartar kardimommur
Lime lauf og skyr sorbet, lime lauf olía, langur pipar, karamellað hvítt súkkulaði.
Hnoss
Nokuthula (Nokx) Majozi er sannkölluð stjarna á uppleið í veitingabransanum, og fékk það nýverið staðfest þegar hún var nefnd “Rising Star in the UK” af einum virtasta matarblaðamanni Bretlands. Nú til dags er Nokx yfir hinu rómaða “Pie Room” á hinum virta veitingastað Holborn Dining Room á Rosewood hótelinu í London. Með yfir áratugs reynslu í mörgum af flottustu eldhúsum London, lá leið hennar inn á Holborn Dining Room, þar sem hún naut leiðsagnar hins mikla meistara Calum Franklin. Í dag hefur hún fyllt í fótspor Calum og sinnir nú yfirkokksstöðu á “Pie Room”, þar sem hún setur sinn einstaka blæ á hvern einasta disk.
Food & Fun 2023 matseðill:
Scotch egg” með skessujurtar tartar sósu, sýrðu sellerí og kapers
Sjávarréttabaka með leturhumar, hörpuskel og rækjum, sölva-smjörsósu og Feyki 24+
Lamba Wellington með blóðbergi, grilluðu Vallanes grænmeti og rauðvínssósu
Klístruð döðlukaka með birki- og hvannarkaramellu og vanilluís
La Primavera Harpan
Josh Angus er yfirkokkur á hinum margverðlaunaða einnar Michelin stjörnu veitingastað Hide í London. Uppalin í Sheffield, hefur Josh komið víða við á sínum ferli og unnið undir nokkrum bestu matreiðslumeisturum Bretlands. Af þeim má helst nefna, Le Manoir aux Quat’Saisons (2*) undir Raymond Blanc, Elystan Street (1*) undir Phil Howard, og nú á Hide undir Ollie Dabbous. Undanfarin ár hefur Josh verið yfir eldhúsinu á Michelin stjörnu staðnum Hide þar sem hann fer fyrir teymi yfir 50 matreiðslumanna, sem elda ofan í allt að 400 gesti dag hvern.
Food & Fun 2023 matseðill:
Nautatartar & reykt dressing.
Graskers tortellini, parmesanseyði & sýrðar kantarellur.
Eldbökuð bleikja á sedrusvið, skessujurtar- og kræklingasósa.
Lambahryggur reyktur yfir einiberjum, lauk mauk, grillaður aspas og bjarnarlauks kapers.
Brennivíns baba með rabarbara & rósum, skyr Chantilly.
Mathús Garðabæjar
Mikael Mihailov, oft kallaður Miska af þeim sem þekkja hann, er matreiðslumeistari frá Finnlandi með alþjóðlegan bakgrunn. Með reynslu í farteskinu frá heimsþekktum veitingastöðum líkt og Eleven Madison Park í New York hefur Miska þróað sinn einstaka stíl og er nú yfirkokkur yfir tilraunaeldhúsi PNM Gourmet í Helsinki. Hann er þekktur fyrir að blanda saman brögðum víðs vegar að úr heiminum og ber matreiðsla hans keim af sígildri franskri matargerð ásamt nýstárlegum hughrifum frá bæði Asíu og Mexíkó. Að lokum er vert að nefna að Miska er ómissandi fyrir alla þá sem elska kavíar, en hann er sérlegur sendiherra fyrir Petrossian kavíar.
Food & Fun 2023 matseðill:
Ostrur með sangritu, sölnum og mezal-seyði
Kavíar og gull með Petrossian Daurenki kavíar
Nordic wasabi taco
Grilluð íslensk lambalund með Oaxacan chicatana maurum
Valrhona ganache, mangó – sherbet, mangó – marengs
Sumac
Josh Katz er yfirkokkur og eigandi veitingastaðanna Berber & Q Grill House, Shawarma Bar og Carmel í London ásamt því að hafa gefið út tvær matreiðslubækur. Áður en hann opnaði Berber & Q árið 2015 starfaði Josh á nokkrum af bestu veitingastöðum London, m.a. Galvin Bistrot de Luxe, og Ottolenghi, áður en hann var gerður að yfirkokk á Made in Camden árið 2010. Undir stjórn Josh náði veitingastaðurinn í fjölda viðurkenninga og hæstu einkanna frá helstu miðlum Bretlands, ásamt því að fá hið eftirsótta Bib Gourmand frá Michelin Guide.
Food & Fun 2023 matseðill:
Grillað flatbrauð
Kúrbíts tzatziki + reyktar möndlur
Baba ghanoush + granatepli + furuhnetur
Skarkola tartar
tabbouleh + sítróna + avókadó dressing
Rauðbeður & gulbeður
þeyttur feta + pistasíu dukkah
Lamba Merguez
cannellini baunir + zhoug
Grillaður kjúklingur með urfa-pipar
granatepla schmaltz sósa + piklað radicchio salat
Carlito’s grænmetis spjót
ras el hanout + tahini
Súkkulaði tahini mús
labneh krem
Tides
Diego Muñoz er einn af mest spennandi matreiðslumeisturum Latín Ameríku og hefur komið víða við á sínum ferli. Diego hefur ávallt lagt mikla áherslu á að vera skapandi í sinni matargerð, ásamt því að nýta sem mest þau einstöku hráefni sem finnast í nærumhverfinu hverju sinni. Diego er sannur sendiherra Perúvískar og Latín amerískrar matargerðar og hefur tekið virkan þátt í að koma þeirri matargerð á heimskortið.
Food & Fun 2023 matseðill:
Glóðaðar gulrætur, kolkrabbableik, macadamia-hnetur
Grilluð íslensk hörpuskel
Ostrusveppir og kartöflukrem
Lambakóróna seco, sykurbaunir, fjólubláar kartöflur
Perúskt súkkulaði temprað
Tres Locos
Danny Mena er rómaður mexíkóskur matreiðslumaður búsettur í New York. Hann er einna þekktastur fyrir ósvikna og hefðbundna mexíkóska matargerð á veitingastöðum sínum Hecho en Dumbo og nú síðast á La Loncheria og Conejo, Eftir að hafa starfað á þekktu veitingastöðunum Blue Hill og The Modern, opnaði hann Hecho en Dumbo árið 2007 í Brooklyn.
Food & Fun 2023 matseðill:
Smálúðu ceviche með kasjúhnetu-aguachile
Ferskt „hoja santa” fyllt með íslenskum osti í tígrísrækjusósu
Reykt silunga tostada með macha-sósu og jarðskokkaflögum
Lamb barbacoa taco Hægelduð lambaöxl með borracha-sósu
Andabringa með chicatana maura-sósu, chipotle criollo og kremuðum kartöflum
Mexíkósk súkkulaðkaka með vanillu sabayon
