Ekkert er betra en að fá sé hollan og bragðgóðan morgunmat sem dugar vel og gefur manni orku út í daginn. Hafragrautur í ýmsum útgáfum hefur verið vinsæll í áranna rás og kaldur hafragrautur hefur verið að koma sterkur inn.

Hér höfum við uppáhalds kalda hafragrautinn hennar Lindu Ben matarbloggara með meiru. Hún segir hann vera sinn uppáhalds þessa stundina og hann sé alveg einstaklega bragðgóður.

„Það sem ég elska við kalda hafragrauta er að maður getur gert þá með löngum fyrirvara og átt tilbúna inn í ísskáp þegar manni vantar eitthvað gott og mjög hollt. Það er líka upplagt að taka með sér kalda hafragrauta með sér í nesti,“ segir Linda.

Grauturinn er stútfullur af góðum næringarefnum og dugar vel og lengi. Grauturinn inniheldur með annars hnetusmjör og jarðarberjasultu, jarðarberja hafraskyr, chia fræ og auðvitað hafra. Grauturinn er án mjólkurvara og er vegan.

Hægt er að fylgjast með matarbloggi Lindu Ben á heimasíðunni hennar hér.

PB&J kaldur hafragrautur – með hnetusmjöri og sultu

50 g hafrar

1 msk. chia fræ

150 g jarðarberja hafraskyr frá Veru

1 msk. hnetusmjör

1 dl vatn

Sykurlaus jarðarberjasulta

Frosin hindber

Múslí (má sleppa)

Setjið hafra, chia fræ, jarðarberja hafraskyr og hnetusmjör í skál. Hrærið saman. Bætið vatninu saman við og hrærið þar til allt hefur samlagast. Leyfið blöndunni að taka sig í um það bil 30 mínútur. Skiptið blöndunni í tvo hluta, setjið fyrst botnfylli í glösin og setjið u.þ.b. 2 teskeiðar af sultu í hvort glasið, setjið svo restina af grautnum yfir. Hægt er að loka glösunum og geyma inn í ísskáp yfir nótt (geymst vel í 2-3 daga), en grauturinn er góður eftir u.þ.b. 30-60 mínútur. Toppið grautinn með hindberjum og smá múslí eftir smekk.