Hver vill ekki bjóða upp á ljúffengan kokteil í handboltapartýinu sem steinliggur? Nú er víða sem fólk safnast saman og horfi á landsleikina með íslenska handknattsleiksliðinu og slegið er í handboltaveislu. Þá er svo gaman að geta boðið upp á ljúffenga drykki sem eiga vel við. Ivan Svanur Corvasce barþjónn er snillingur þegar kemur að kokteilagerð og ætlar hér að svipta hulunni af einum sem erfitt er að standast og passar fullkomlega fyrir handboltaveisluna.
Ivan er meðal annars með Reykjavík Cocktails veisluþjónustuna þar sem þetta allt saman byrjaði, kokteila ævintýri. Einnig er Ivan með Spritz Venue þar sem Kokteilaskólinn er til húsa í dag. Hér er um að ræða glæsilegan veislusal með fullkomnum bar þar sem Ivan kennir meðal annars helstu leynitrixin við kokteilagerð. Ivan er annar stofnenda Kokteilaskólans og hefur unun af því að kenna áhugasömum að búa til ljúffenga kokteila sem töfra gestina upp úr skónum.
Vínskólinn það nýjasta
Nýjasta konseptið sem Ivan ásamt öðrum standa fyrir Vínskólinn þar sem boðið er upp á vínsmökkun og fræðslu í umsjón sérstakur vínsérfræðingur. Boðið er upp á einlægt samtal um vín og persónulega kynning þar sem allir fá að njóta sín og öllum spurningum stórum og smáum er svarað. Mikill metnaður er lagður í glösin sem vínið er skenkt en þar eru kristalglösin fremst í flokki. „Þegar kemur að víni getur litur og áferð skipt skipt sköpum um bragðið, við kennum þér að greina litbrigði vínsins ásamt mörgu öðru,“ segir Ivan.
Sviptir hulunni af Veislupúns barþjónsins
Ivan þekkir vel að vera með veislur og gleði þar sem gaman er að geta boðið upp á ljúffenga drykki. Hér sviptir hann hulunni af einum sínum eftirlætis púns sem á eftir að steinliggja í næsta handboltapartýi.
„Þetta púns er ég oftast að vinna með í veislum hjá vinum og vandamönnum þegar ég sjálfur nenni ekki að vera endalaust að hrista kokteila fyrir alla. Þetta er ótrúlega þægileg og góð blanda sem getur staðið í skál eða krukku og gestir geta afgreitt sig sjálfir af. Þá prenta ég oftast leiðbeiningarnar að drykknum á blað og set í myndaramma við hliðina á skálinni ásamt freyðivínsglösum, köldu freyðivíni og limesneiðum í skál. Ég hef ekki gefið þessa uppskrift upp áður en þetta slær alltaf í gegn,“ segir Ivan að lokum.
Veislupúns barþjónsins
2 lítrar
350 ml Aperol
200 ml Gin
350 ml Ferskur appelsínusafi
350 ml Ferskur ananassafi
200 ml Kryddsíróp*
200 ml Ferskur sítrónusafi
200 ml Vatn
25 ml Angostura Bitter
Toppað með þurru freyðivíni
Kryddsíróp
200 ml Vatn
300 g Hvítur sykur
Matskeið hver af Allspice, Negul, Kardimommum
2 stk. kanilstangir heilar
Við byrjum á að mylja þurru kryddin létt með mortéli, setja þau í pott og kveikja undir á miðlungsháum hita. Þegar eldhúsið byrjar að ilma af kryddi bætum við vatninu út í. Þegar vatnið er við það að byrja að sjóða bætum við sykrinum við og hrærum þar til hann er bráðinn. Þegar sykurinn er bráðinn tökum við pottinn af hellunni og látum standa, kólna og draga í sig bragðið af kryddinu. Að lokum sigtum við sírópið í gegnum fínt sigti og þá er það klárt.
Leiðbeiningarnar eru svona:
