Berglind Hreiðars, einn vinsælasti matarbloggari landsins sem heldur úti síðunni Gotterí og gersemar, er snillingur í prófa allskonar nýjungar af ferskum og léttum sumardrykkjum. Hér er Berglind búin að setja saman frískandi melónukokteil sem er fullkominn fordrykkur í matarboðið. Síðan er hann líka tilvalinn til að bjóða upp á í Eurovision-boðinu á þriðjudagskvöldið.

Melónukokteill

Fyrir 3-4 glös

½ gul melóna (um 300 g)

1 lime (safinn)

2 msk. hlynsýróp

1 lúka myntulauf

300 ml Muga hvítvín

200 tónik vatn

Skerið melónuna niður í litla teninga og frystið í 1-2 klukkustundir. Setjið síðan frosna melónukubbana ásamt öllum öðrum hráefnum í blandarann og blandið vel. Skiptið niður í glös og skreytið með myntulaufum og lime sé þess óskað.