Matgæðingurinn og heilsugúrúinn Solla Eiríks og læknirinn Lára. G. Sigurðardóttir blésu til útgáfuhófs í Betri stofunni í Firði í Hafnarfirði í tilefni útgáfu fyrstu bókarinnar sem þær gefa út saman. Bókin ber yfirskriftina Húðbókin þar sem þær stöllur leiða saman krafta sína.

Húðbókin er fyrsta bókin Solla Eiríks og Lára skrifa saman. Bókin hefur að geyma allt það sem þarf til að viðhalda heilbrigði og ljóma húðarinnar. Margt var um manninn og voru bækurnar uppseldar áður en hófinu lauk.

Húðbókin inniheldur viðamikinn fróðleik um húðina og uppskriftir til að sjá húðinni fyrir þeim næringarefnum sem hún þarf til endurnýjunar. Þar að auki er hún fallega myndskreytt. Það er Hildur Ársælsdóttir, dóttir Sollu, sem tekur ljósmyndirnar í bókinni.

Gestir fengu að smakka rétti úr bókinni sem Solla töfraði fram og Lára útbjó silkimjúkt krem sem gestir fengu prufu af. Kremið mýkir meðal annars þurrarhúð á höndum og fótum en uppskrift að því er einnig að finna í bókinni

Bókin er búin að vera á fjórða ár í vinnslu og eru höfundarnir alsælir með útkomuna.