Gabríel Kristinn Bjarnason, 22 ára matreiðslumaður, veit fátt skemmtilegra en að grilla og elskar að prófa sig áfram með alls konar rétti á grillinu. Nú þegar sumarið er komið er Gabríel duglegur að grilla og finnst ávallt jafn gaman að gleðja vini sína og fjölskyldu með sælkerakræsingum. „Þegar ég er að grilla á sumrin finnst mér ómissandi að hafa íslenskt smjör með, því það er gott með öllu, kjöti og grænmeti og hægt er að nota það á marga vegu. Svo er það líka bara svo gott.“

Á dögunum í Grillblaðið Fréttablaðsins bauð Gabríel upp á syndsamlega ljúffengt tígrisrækjusalat sem steinliggur þegar grilla á sælkerarétti.

Tígrisrækjusalat

1 poki tígrisrækjur, frosnar, afþíðið

Marínering fyrir tígrisrækjurnar

300 g olía

50 g srirachasósa

200 g milt chillipaste

30 g túrmerik

50 g reykt paprikuduft

20 g salt

10 g svartur pipar

30 g hvítlauksduft

1 box blandað salat frá Lambhaga

Blandið öllu saman og marínerið rækjurnar. Leyfið rækjunum að liggja í maríneringunni í sólarhring inni í kæli. Fyrir grillunina þræðið rækjurnar upp á grillspjót og grillið. Það tekur örskamma stund að grilla þær.

Svo er hægt að toppa réttinn með því sem ykkur þykir girnilegt.