Lemon opnaði nýverið á þjónustustöð Olís í Norðlingaholti. Alls rekur Lemon, sem sérhæfir sig í samlokum og ferskum djúsum, nú sjö staði, þar af fjóra á höfuðborgarsvæðinu og þrjá á Norðurlandi.
,,Viðtökurnar á nýja Lemon staðnum hafa verið mjög góðar. Hverfið er ört stækkandi og fólkið í hverfinu kann greinilega gott að meta. Það hafa verið margir mjög góðir gestir á Lemon síðustu vikur. Fyrirtækin hér í kring hafa einnig nýtt sér þjónustu okkar. Þau hafa bæði pantað á vefnum og sótt og starfsfólk fyrirtækjanna líka verið duglegt að kíkja í heimsókn til okkar. Sumir hafa líka tekið bensín í leiðinni sem er auðvitað praktískt. Við leggjum mikið upp úr því að veita hraða og góða þjónustu,“ segir Sigurður Gísli Eiríksson, verslunarstjóri Lemon í Norðlingaholti.
Hann segir að skíðafólk hafi verið duglegt að koma við á Lemon í Norðlingaholti, bæði fyrir og eftir skíðaferðir í Bláfjöllin. Staðurinn er auðvitað í leiðinni upp í Bláfjöll þannig að það kemur ekki á óvart. ,,Það er mikið um að skíðafólk hefur verið koma hingað og borða áður en það fer á skíði. Það er auðvitað gott að vera vel nærður þegar maður er að renna sér í fjallinu. Einnig hefur fólk komið eftir skíðaferðina og tekið með sér kvöldmat. Við erum einnig með frábæran nestispakka fyrir skíðafólk sem vill taka með sér nesti. Samloku með parmaskinku og mozzarella osti, djúsflösku og súkkulaðibitaköku. Þessi pakki hefur verið mjög vinsæll enda ótrúlega bragðgóður,“ segir Sigurður.
Fólk nestar sig upp á leiðinni austur fyrir fjall
Hann segist taka eftir því að fólk á leiðinni austur fyrir fjall taki hollt nesti með sér í bílinn. ,,Mér finnst mikið um það að fólk sem er á leiðinni í sumarbústaðinn komi við hjá okkur og nesti sig upp. Fái sér hollt nesti í bílinn. Djúsarnir okkar eru sérlega vinsælir enda eru þeir bæði hollir og góðir. Hvað er betra en sólskin í glasi í þessu vonda veðri sem hefur verið að herja á okkur síðustu daga.“
Sigurður segist vera ánægður í vinnunni á Lemon. ,,Það er mjög gaman að vinna hérna. Hér starfar skemmtilegur hópur fólks sem hefur það að markmiði að veita viðskiptavinum veita hraða og góða þjónustu. Og við erum alltaf hress og kát. Það hjálpar alltaf til að brosa og vera í góðu skapi,“ segir Sigurður ennfremur.
