Heiðurinn af helgarmatseðlinum á matarvef DV.is þessa helgina á enginn annar en Albert Eiríksson matgæðingur og matarbloggari með meiru. Albert veit fátt skemmtilegra að elda og baka dýrindis kræsingar og allra best þykir honum að snæða ljúffeng mat í góðum félagsskap.
Þegar við leituðum til Alberts með helgarmatseðilinn tók hann strax vel í erindið og sagði: „Skemmtileg áskorun. Hér er það sem kom fyrst upp í hugann.“
Hægt er að fylgjast með fylgjast með matarbloggi Alberts á bloggsíðunni hans hér.
Í forrétt mælir Albert með þessum dýrðlega ofnbakaða humarrétt:
https://www.alberteldar.com/2021/10/22/humarretturinn/
Humarréttur eitt stórt fat
1/4 lítri þeyttur rjómi
180 g sýrður rjómi
1 msk. majónes
1-2 msk. hvítlauksduft
2 pakkar Golden hrísgrjón
600-900 gr humar
1 askja sveppir
Salt og piparflögur
Ostur
Smá Pipar
Salt
Hvítlaukur
Þeyta rjómann og blanda svo majónesi og sýrða rjómanum saman, setja svo hvítlauksduftið saman við og geyma helst í ísskáp í einn dag.
Sjóða hrísgrjónin og setja í botninn á eldfasta mótinu, steikja humarinn á pönnu með smjöri, hvítlauk og smá salti og pipar og raða ofan á, steikja svo sveppina upp úr smjöri og dreifa yfir, hella rjómasósunni yfir og láta standa aðeins meðan sósan sígur niður, brjóta flögur niður og blanda með rifnum osti og setja yfir og inn í ofn við 180°C þangað til osturinn er brúnaður.
Í aðalrétt mælir Albert með heilum safaríkum og djúsi kjúkling sem þægilegt er að elda:
https://www.alberteldar.com/2021/04/22/kjuklingur-i-ofni/
1 heill kjúklingur
1 sítróna
smjör
rósmarín
salt, pipar
olía
kartöflur
timían
Setjið kjúklinginn í eldfast mót með loki. Skerið sítrónu í fernt og troðið henni inn í kjúklinginn. Skerið nokkrar sneiðar af köldu smjöri, farið undir skinnið með fingri fremst á bringu og rennið smjörinu inn undir.
Dreifið kryddi eftir smekk og góðri olíu yfir, t.d. rósmarín með salti og pipar.
Þetta má bíða í klukkutíma. Setjið í ofn við 170°C í rúman klukkutíma eftir stærð.
Tíminn er u.þ.b. þyngd í kílóum x 55. Þessi kjúklingur var t.d. 1,3 kg x 55 = 72 mínútur.
Takið lokið af þegar 20 mínútur eru eftir. Setjið kartöflur í bitum í fatið og dreifið salti, tímían og olíu yfir. Hækkið hitann í 200°C. Salat með eða annað meðlæti.
Eftirrétturinn er af betri gerðinni, undurgott tiramisu, það besta sem Albert hefur smakkað og uppskriftin kemur alla leið frá Róm:
https://www.alberteldar.com/2019/11/03/undurgott-tiramisu/
Á Blómatorginu í Róm, Campo di fiori, er það besta Tiramisu sem ég hef smakkað á Maranega. Til að gera langa Tiramisúsögu stutta þá fékk ég að vita aðferðina. Þar er aðeins notað gæðakaffi, ekkert vín og eggjarauður, en oftast eru eggjahvítur og eggjarauður.
Lady fingers
2 dl espresso kaffi
4 eggjarauður
50 g sykur (ca 2 msk)
1 dós mjúkur Mascarpone
ca 1 msk. kakó
Vætið Lady fingers upp úr espresso kaffi (þær þurfa ekki að blotna í gegn) og leggið í form. Þeytið eggjarauðurnar ljósar og léttar með sykri. Bætið mascarpone út í og þeytið áfram. Hellið yfir kökurnar og sigtið kakó yfir. Best er að láta þetta standa í klukkustund í ísskáp. Tilbúið. Og stendur fyrir sínu í öllum sínum einfaldleika.
Nú er bara njóta helgarinnar og bjóða upp á þriggja rétta matseðil.
