Una Guðmunds ræðst ekki á garðinn þar sem hann er lægstur. Hún mælir með þessum hátíðlega rétti til að koma sér í jólaskap og jafnvel „reynsluaka“ jólamatinn í fámennum en góðmennum hópi. Við gefum Unu matgæðingi DV orðið.
Ég var búin að mikla það fyrir mér að elda önd, þetta er smá vinna en alls ekki flókið og bara ekta eldhússkemmtun fyrir fólk að hittast, elda saman með vínglas við hönd og hafa það huggulegt.
Fyrir 3
2 andabringur (um 700 gr)
Salt & pipar
6-7 greinar ferskt timían
1 skalottlaukur
Ólífuolía
Smjör til steikingar
Byrjið á að skera nokkrar rendur í fitulagið á bringunum.Saxið ferskt timían, rífið skalottlaukinn og blandið saman.
Veltið bringunum upp úr ólífuolíu, salti, pipar og timíanblöndunni.
Setjið góða smjörklípu á pönnu, hitið pönnuna vel og steikið bringurnar á pönnunni, byrjið á að steikja fitulagið á bringunum fyrst þar til fituröndin er orðin dökkbrún að lit, lækkið hitann örlítið á pönnunni og steikið svo hinar hliðarnar á bringunum.
Setjið bringurnar í ofn við 180 gráður í um það bil 10-15 mínútur, matsatriði hversu vel eldað þið viljið hafa kjötið. Passið að halda eftir soðinu sem myndast af bringunum til þess að fullkomna sósuna.
Takið bringurnar út úr ofninum og látið þær standa í um 15 mínútur áður en skorið er í þær og þær bornar fram.
Kampavíns-appelsínusósa
Má tvöfalda fyrir sósusjúka.
1dl kampavín
Safi úr 1 appelsínu
2 tsk. hunang
½ blaðlaukur
Smjör til steikingar
2 dl soð
Byrjið á að steikja blaðlauk upp úr smjöri og brúnið hann aðeins. Setjið laukinn til hliðar. Hann er borinn fram með matnum sem meðlæti.Blandið saman kampavíni, safa úr appelsínu og hunangi við vægan hita og hrærið vel í blöndunni.
Raspið smá appelsínubörk út í og hellið soðinu af andabringunum saman við og leyfið að malla aðeins við vægan hita svo sósan þykkni.
Berið fram með bringunum, bæði gott að hella sósunni yfir bringurnar og eins er gott að hafa sósuna til hliðar til að dýfa kjötinu ofan í.
Sellerírótarmús
1 væn sellerírót
3 cm af piparrót
Salt
Smjör
Afhýðið sellerírótina og skerið hana niður í nokkra minni bita.Sjóðið rótina þar til hún er orðin mjúk.
Sigtið vatnið frá og maukið sellerírótina í potti við vægan hita og rífið piparrótina út í með fínu rifjárni og að lokum er salti og smjöri bætt saman við að vild.
Berið fram með öndinni og leggið steikta blaðlaukinn ofan á.
Verði ykkur að góðu
