Ekkert rugl – þú smellir í þessar á morgun ! Tilvalið aðventugóðgæti.

250 g smjör
3,5 dl sykur
2 dl kakó
4 tsk. vanillusykur
4 egg
3 dl hveiti
100 g heslihnetur með Irish coffee bragði (frá H-berg)
50 g bismark brjóstsykur

Stillið ofninn á 180 gráður.  Bræðið smjör í potti og leyfið því aðeins að kólna.Sykri, kakói, vanillusykri og eggjum er bætt út í pottinn og hrært saman.

Loks er hveiti sigtað saman við og hært vel í blöndunni.

Hellið deiginu í ferkantað form, og setjið inn í ofn í um 15 mínútur.

Á meðan eru hneturnar hakkaðar ásamt brjóstsykrinum.

Takið kökuna úr ofninum og stráið hnetum og brjóstsykri yfir og setjið kökuna aftur inn í ofn í um 10 mínútur.

Leyfið kökunni að kólna áður en að hún er skorin í bita og borin fram