Súrdeigsæðið er langt því frá að réna og hefur samkomubannið aðeins ýtt undir bakstursgleði landsmanna. Hátt í 9 þúsund manns deila uppskriftum og ráðum á facebook síðunni Súrdeigið sem er virkur og skemmtilegur hópur áhugamanna um deigið góða.

Súrdeigbeyglur, snúðar og crossant hafa flogið hátt síðustu vikur en nú eru það skreytt sumarbrauð sem eiga hug heimabakarana. Skemmtileg og holl leið til að fegra brauðið góða. Karen Emilia Barrysdottir Woodrow er ein þeirra sem er forfallin fyrir súrdeiginu en hún segist hafa fengið hugmyndina á Pintrest.  „Ég átti afgang af áleggi sem ég hafði skorið niður á pizzu og fannst tilvalið að nýta það í skreytingun, “ seg­ir Karen sem hefur verið að föndra við súrdeig í rúmt ár.

Aðspurð um góða uppskrift mælir hún með þessari pizzuuppskrift.