Margir eru búnir að draga fram grillin, en þessir kjúklingavængir af vefsíðunni Taste of Home eru tilvaldir í matarboðið. Um er að ræða dúnmjúka og dásamlega kjúklingavængi en leynihráefnið er ótrúlegt – nefnilega gosdrykkurinn kók.
Hráefni:
1,4 kg kjúklingavængir
1 bolli „hot sauce“
350 ml kók
1 msk. sojasósa
¼ tsk. cayenne pipar
¼ tsk. pipar
gráðostasósa
Aðferð:
Blandið „hot sauce“, kóki, sojasósu, cayenne pipar og pipar saman í lítilli skál. Hitið grillið og grillið vængina yfir meðalhita án sósunnar í 10 mínútur. Grillið í 30 til 40 mínútur í viðbót og penslið vængina með sósunni og snúið þeim við reglulega. Berið fram með gráðostasósu og jafnvel smá selleríi.
