Þetta hvítlauksbrauð er svo mikið dúndur að þið trúið því varla. Þið eigið aldrei eftir að vilja annað hvítlauksbrauð eftir að þið smakkið þetta.
Hráefni:
1/4 bolli volgt vatn
1 msk. þurrger
1 1/2 msk. sykur
4 msk. smjör
2/3 bolli mjólk
1 egg (þeytt)
1 1/4 tsk. sjávarsalt
2 bollar hveiti
2 hvítlauksgeirar (smátt saxaðir)
1 tsk. ferskt rósmarín (smátt saxað)
1 tsk. ferskt timjan (smátt saxað)
aðeins meira sjávarsalt
Aðferð:
Blandið vatni, geri og sykri vel saman í sóttir skál og látið þetta bíða í 5 til 10 mínútur, eða þar til blandan byrjar að freyða. Bræðið 2 matskeiðar af smjöri og hitið mjólkina þannig að hún sé volg. Blandið þessu tvennu saman og síðan saman við gerblönduna. Blandið egginu og saltinu vel saman við og síðan hveitinu. Munið að blanda hveitinu ekki öllu saman í einu heldur bara eftir þörfum. Deigið á að vera aðeins klístrað en ekki festast allt við puttana. Smyrjið smá olíu í aðra skál og leyfið deiginu að hvíla þar í eina klukkustund á meðan það hefast. Munið að hylja skálina með hreinu viskastykki.
Dustið hveiti á borðflöt og hnoðið deigið í nokkrar mínútur. Bætið meira hveiti við eftir þörfum. Smyrjið eldfast mót og skiptið deiginu í 8 fallegar kúlur. Raðið kúlunum í eldfasta mótið. Hyljið með viskastykkinu og látið hefast í hálftíma til viðbótar. Hitið ofninn í 190°C. Bræðið restinni af smjörinu og blandið því saman við kryddjurtirnar. Bakið bollurnar í 20 til 25 mínútur og penslið þær með smjörblöndunni um leið og þær koma úr ofninum. Stráið sjávarsalti yfir þær og berið fram.
