Vinsældir ketó hafa aukist gríðarlega síðastliðin misseri. Enn fleiri segja skilið við kolvetni og fylgja þessu fituríka mataræði. En er hægt að fylgja þessu mataræð á öllum stigum lífsins, meðal annars meðgöngu?

Næringarfræðingurinn Abbey Sharp heldur úti vinsælli YouTube-rás og skoðar þar mataræði annarra áhrifavalda á miðlinum. Í nýjasta myndbandi hennar skoðar hún mataræði hjónanna Matt og Megha á rásinni Keto Connect, en þau eru bæði, eins og nafnið gefur til kynna, á ketó. Megha er nýbúin að eignast barn og er með það á brjósti í því myndbandi.

Abbey skoðar í byrjun myndbandisins hvort ketó sé öruggt á meðgöngu og hvaða rannsóknir eru til um málið.

Í stuttu máli þá eru ýmsar áhættur sem fylgja því þegar kona er ketó eða á lágkolvetnamataræði á meðgöngu. Samkvæmt nýrri rannsókn þá eru 30 prósent meiri líkur að barn fæðist með fæðingargalla í taugakerfi (NTD) ef móðirin er á lágkolvetnamataræði heldur en hefðbundnu mataræði. Ástæðan fyrir því er skortur á fólínsýru. Abbey nefnir einnig hægðatregðu og áhyggjur af þroska fóstursins. Abbey fer nánar út í það í myndbandinu hér að neðan og í bloggfærslunni sem þú getur lesið hér.